نقسملك بالرايه ....والحادي وجفينه
والخالق والاَيه....والزهره وهادينه
ما ننسه الاكبر يحسين....ولحيدر نفديهه العين
والحادي وجفينه
,,,,,,,,,,,,,,,,,,,,,,,,,,,,,,,,,,,,,,,,,,,
خسفناهه الصدور لحرّة صوابك..نرخصهه النحور ونلهم ترابك
سراج الله العظيم بكل وكت بابك...تون عنده الملايك تسكن اعتابك
دمه الاكبر غدت يا سيدي خضابك...نعينه وما تجف دمعتنه لمصابك
لمصابك يالوالي....نار الهم تاذينه
ابجيلك يالغالي....والزهره وهادينه
تدرينه بدربك ماشين....ولحيدر نفديهه العين


صفت وسط الضلع يالاكبر العبره...جسير ويا دمع لمصابك يجبره
يمن جسمك حمل بالطف الف طبره..يهل حزني على هضمك بالكلب جمره
علل مااضن بعد يبن الطهر تبره....خلص عمري وبعد مل ينحمل صبره
كل يوم يفجرونه....ولدربك ردينه
ننسه اسمك يردونه....والزهره وهادينه
ماضين بدربك ماضين....ولحيدر نفديهه العين
والحادي وجفينه


شسولف يا علي وشحجيلك الساعه....ولانه الناصبي وتدري انته بطباعه
على دروب العقيله انشرت ضباعه....ويمد فوك النحور الطاهره ذراعه
يضن ارض الله ارضه وشايل شراعه...كفر باسم الكريم وتربته وكاعه
كل ضنهم ننساكم....والمنكر يلوينه
واحنه نصيح فداكم....والزهره وهادينه
نصرونه ومنصور الدين....ولحيدر نفديهه العين


مشت بينه الليالي وشفنه مرساكم..نصيح بكل وكت يا حيدر وياكم
نلد حلك المنايا ونسحك عداكم....نطل مثل النجم عالعليه بسماكم
رغم روس النواصب نبقى نهواكم...ولا يوم اليمر لو لحضه ننساكم
جم طاغي العاداكم....والحارب بس وينه
بالمحشر ننخاكم....والزهره وهادينه
منوانه بفجعات البين....ولحيدر نفديهه العين
والحادي وجفينه


انه لبيت اليتامه ناذر سنيني...نهر بيه الدمع والهم يوديني
تنوح ام الحسن بالطف عمت عيني....يزينب جم مصيبه الشفتي
حاجيني
اوج نار بصباحي وهم يمسيني....على حسين الفجعني وحاله ياذيني
بنت الزهره تنادي....وينك يا والينه
بيه الهم ضل سادي....والزهره وهادينه
واحنه نعزي اهله الطيبين....ولحيدر نفديهه العين
والحادي وجفينه
رحيم الحسيني الحسناوي