صوت الملايين....مضلوم يحسين
ياتاج الاحرار....تبجيك كل عين
ـــــــــ
ــــــــــــــــــــ
نهتف بحبك يبن حيدر علي..نعله باسمك يا امامي ونعتلي
نبجي لمصابك يضل حزنك جلي..يا ثرى الطف يبقى روحي ومنهلي
باسم ابو الاكبر يدنيه زلزلي..ثوره بينه على الطغاة وعايلي
وياك وياك....للموت وياك
كل يوم ننعاك....يبن الميامين
تبقى تسعر كربلا ويوم الطفوف..من دنت نحر الطهر ذيج السيوف
وخيل اميه على الخيم تسعه وتحوف..وعالفرا تبترت للحك جفوف
رايه ابو اليمه ونحج الهه ونطوف..مانهاب النايبه ونار الحتوف
ياتاج عالراس....للموت عباس
تنخاك هالناس....من يجبل البين
شمس ابو الاكبر فخر لهل الارض...حبه طاعه وعالخليقه اعظم فرض
وي دمه اليمه الخلايق تنتفض...وزينب الحره بدمانه اعظم عرض
رحمه اَل المصطفى وهمه الحفظ...ولعنة الله على الكفر واهل البغض
منصور منصور....مهدينه منصور
بينه الدمه تفور....يا قائم الدين
ياخبر بالطف سمعنه يا خبر...حادي ضعن الحره بجفوفه انطبر
زينب على التل تنادي عالطهر...ضلت لراعي الشدايد تنتضر
عالهواشم ضايع هناك النصر..صاحت ومنهه الدمع من ينهمر
تحتار والاه....لحسين وياه
والكوم وعداه....حز نحره ناوين
جم عليله وجم سبيه بكربلا...والهواشم وي دماهه مجندله
زينب تهيل الدموع السايله...والهضم بالغاضريه ام البله
منهو عالراحو يجيهه وتساله...كربلا بدم الشهاده مزلزله
والنار بالدار....وتحوم كفار
ملهوفه الاشرار....تطلبهم بدين