نبجي للهدايه....يا سيد البرايه
نهديلك دمع العين....يالمنك محرومين
يا سيد البرايه
ــــــــــــــــــــــــــــــــ
غابت بغيم الملاعين الشمس..شَشبه اليوم وضلامه بالامس
منهو يا حيدر فهم ذاك الدرس..هلبت يرد لوعيته ويحترس
ولا يتيه رايه....وما ينسه الولايه
وما ينسه مصاب حسين...يالمنك محرومين


وانته سيفك عالكفر ماضي واشد...جم صنم هدمت يمينك يالاسد
يا عذب منهج علومك جالشهد..بهالمصايب ننتضر منك مدد
وانغر للرعيه....يسلال الدعيه
بغيابك مضلومين..يالمنك محرومين
ياسيد البرايه


وينه صاحب هالزمن راعي الامر...ما نطر غيرك امل هذه العمر
شفنه يابو صالح الوان شكثر...ماثبت منهه على دربك واستمر
صبغتهم تهاوت...ريحتهم تغاوت
ماضل بالوادم دين...يالمنك محرومين
ياسيد البرايه


مابقه على الحكَ يبو صالح بشر...طاحت اصنام النفاق وبالاثر
مر عمرنه وبالصبر يصبح امَر..ماحلت بعيوني ابد كل الصور
وصورتكم يقيني...وكل عمري وسنيني
يالباسمك منصورين...يالمنك محرومين


ياامام العالعرش اسمه انكتب...ياسليب الحك يجتال العرب
هذه دم ابنك على الغبره انسجب..ماتميز جروحه من جور الخضب
ابنك يا علينه...بنص اهل الضغينه
طعنوصدره برمحين..يالمنك محرومين
ياسيد البرايه


ما نبطل النايحه وضنوة علي...من بكت بين العساكر تنولي
لاوليهه وهالمصايب تنجلي...لا فحل ينغر عليهه ولا ولي
ضلت بالثنيه...بين اهل الرديه
نادت ياسيف حنين...يالمنك محرومين
ياسيد البرايه



من صفت خيمتهه مشتعله وعصف...خيل اميه على الحرم صارت تصف
مابكت بالحره لا كلمه وحرف...بس بقت تنضر على اطراف الجرف
والونه الخفيه...بارض الغاضريه
من تصد للصوبين...يالمنك محرومين
يا سيد البرايه
رحيم الحسيني