صاحت والجفلهه.....صد ليهه ولهلهه
حط جوده وكض لواه...والطف صاحت حياه
سيف الله وعدلهه
ــــــــــــــــــــــــــــــــــــــــــــــــــ ــ
على طفوف المنايا ونصرة حسينه...شد بدر الهواشم
على خدور وخيم صارت تصد عينه...عين ابن المكارم
عليهم جالبرك طب وانتخه لدينه...ثار على المضالم
فنه حشود الكفر من صاحت سكينه...كوم اهل المحارم
صاح ابن الحياده.......بكل عزم واراده
افدي ابن البجّه عداه.......والطف صاحت حياه
سيف الله وعدلهه



يصد للحره زينب وليتاماهه...بارض الطف وحيده
تصدّ على المصاب وتندب سماهه...دمهه الهم يبيده
علي الاكبر صريع ونايم حذاهه...تصرخ يالصميده
رد ليهه الوحيد بعبره حاجاهه...كلهه اَفدي العقيده
وعباس انتخه اليوم.......داوه العايل سموم
بايع لسكينه دماه.......والطف صاحت حياه




يشمعه ونورج العالي يضوينه...يالبوة علينه
ابوج على الشدد والحك يوصينه...سفان السفينه
دمانه شما تهودر عالي عالينه...واحنه اهل المدينه
نوافي المرسل ونوفي لصواوينه...للباري وامينه
للحك مرفوع الراس.....رايه بجف العباس
للهم ربج خلاه.....والطف صاحت حياه
سيف الله وعدلهه



تكَله بلا اهل خويه وتعوفوني...وحدي بهالثنيه
اخاف بهالغرب والهم تخلوني.....بين اهل الرديه
اريد اهلي وعلي الدر هسه يلفوني...لارض الغاضريه
بعدكم هالجيم جن خويه يسبوني...من تجبل عليه
وينك يا جفيلي.....وانهدم كل حيلي
صال وسيفه بيمناه...والطف صاحت حياه
سيف الله وعدلهه



صفت بالهم وحيده وتالم الحاله...بارض الطف تنادي
يمن عفتوني بين الشاطي ورماله...تنضرني الاعادي
احيرن بالشهيد الدامي وعياله...لو اندب يهادي
دليلي بهالشدد بس هضمه يبراله...عالباري اعتمادي
انه ام المصايب...وبنص الكتايب
ريت الراح اَنه وياه...والطف صاحت حياه
سيف الله وعدلهه
رحين الحسيني الحسناوي