هذه سيف وهايه رايه بكربله...داست جيوش الطغاة العايله
،،،،،
هذه زند ابن الكلافه وحيدره...هذه ليث المرتضى وبدر الوره
عالجثث حافر مهرته ومعبره...وعالدمه الصارت بحور وسايله
هذه سيف وهايه رايه بكربله...داست جيوش الطغاة العايله


داس ابن حيدر على فحول العده...نص نثرهه ونص رماهه امدده
صارت نسور التناطر شاهده...تاكل الطاح وتنومس جاتله


عشره عشره وطبرته تحز اليمر...خصمه فر من النزال ومستعر
والجفيل يرد عليهم جالنمر...والفخر بيه للجفوف الصايله


شد عليهم من كَصد للمشرعه...اصله طيب طاهر ودر مرضعه
يا فحل بدر الهواشم يجرعه...يمنته من الدر اخذ والمرجله


من يهل كل الشدايد تنجلي...غيرته من ابن الكرم حيدر علي
راية الحك عند ابو الحك تعتلي...وهوه صلصال ودوه لكل مساله


بيه تباهت زينب بطف الغدر...من حده بجيشه على ابو اليمه الشمر
دارت عليهه الملاعين شكثر...ماحنت لهل الكفر والبلبله