زينب من لفاهه البين صاحت والحزن بيهه...صاحت راح اخوي حسين يا روحي شيضل بيهه
,,,,,,,,,,,,,
ضاع الما يلمه الكون وتموت الخلكَ دونه...جتلوه على ثار ودين والوادم يسمعونه
ماهاد وغفتله العين دين المصطفى يصونه...غدرو جف عضيده الكوم تاهت حملة ضعونه
واطفال وحرم وخيام يا والي اليحاميهه


شت عكَلي وفجعني البين ما واحد رحم حالي...بالهم والغرب ضليت لاناصر ولا والي
والشامت يصد بالعين يتفرج على عيالي...راح ابن الكرم عباس حيلي وهيبتي وجالي
منهو لزينب عباس بمصابك يواسيهه


يا بضعه الدليل احتار والدمعه بوسط عيني...انشد وين ابو الكلفات ماوحد يدليني
اصرخ يا عضيد حسين طايح ما يحاجيني...ماضل بالغرب خوان تلحكني وتحاميني
واجساد الصفت عالكاع يمه شلون اغطيهه


جم ونه بطفوف البين ياوالد تعذبني...بسهاد وسيوف الكوم كون الدم يخضبني
ونّه على الرضيع الراح فوك الهم تذوبني...نار وتلهب على حسين والمفجع يحطبني
ودروج الهضم رجواي تخلفهه وتساويهه


شد حيله الزمان وياي يسجب بالعلل والهم...طف زينب يهاي الناس مفجوعه ابّحر من دم
من زغري وتلوج جلاي وعلى اهلي الغدر ملتم....ماضل لا طفل لا جال من هاي الجيَم يسلم
روحي بهالهضم تنهار والمالم يجويهه


بت حيدر علي الكرار وامي ام الوفه الزهره...جدي المرسل على الكون من رب العرش امره
واهلي النصرو الاَيات بالدم وافت العتره...وافينه ونذرنه نحور ودروب الصبر جمره
نعلى وبالزجيه الفوز والباطل نعاديهه
رحيم الحسيني الحسناوي