باسمك يبن موسى بن جعفر نورت...دنيانه واكوان باسرهه تعطرت
زاد الكمر نور الفضه...من نور ابن موسى الرضه
دنيانه واكوان باسرهه تعطرت
ـــ
جم عين الك مشتاكه يرباة الطهر...جم كَلب الك يلهج يلوج من الصبر
هنياله من زارك ولو مره بعمر ل...ما يبقى بالهم كلبه لاجلك يعتصر
هنياله من فاز وحضه...من نور ابن موسى الرضه
دنيانه واكوان باسرهه تعطرت


هنياله من واله الحسين وحيدره...وتنزف دماه على اليقين ومنحره
فاز ونجه الواله الامام وينصره...وخسران ابن هند وجيوشه الكافره
وتاخذ جميع الرافضه...من نور ابن موسى الرضه


فرحانه هالدنيه واهلهه بمولدك..منثوره ازهار الاله بمرقدك
ياربي نشكر هالنعيم ونحمدك..باهل النبوه وحب علينه نعبدك
وافينه ونعيد المضه...من نور ابن موسى الرضه


حيلك يبو الحكَ حيل ابوك ورايته...وباسمك نلوذ وباسم ابوك وصايته
جدكم وفه لربه وعلنهه غايته...رغم الطغاة بزوده ثبت ثايته
كلمن يحب فاز ورضه..من نور ابن موسى الرضه


يبن الاطايب يا اصل كل القيم..يارافع بزودك على الدنيه العلم
يا رافع الضر يا دوه لكل الالم...زودك رجوله وكل معاني اهل الكرم
فرحة علينه المرتضه...من نور ابن موسى الرضه