فرحانه دنيانه.....وتهني ويانه
بمولد حبيب الله الرضا الضامن علي...للجنه باب لكل محب ثامن ولي
نورهه لسمانه...نورهه لسمانه
ــــــــــــ
والينه ابن موسى الطهر خير الانام..خير الانام
يعجز شعرنه بحضرته وكل الكلام..كل الكلام
شاخص يضل نبع الكرم رايه وحسام..رايه وحسام
جده الرسول على البشروابن الكرام..ابن الكرام
بسمه الشدد والصعبه تكضي وتنجلي...للجنه باب لكل محب ثامن ولي
نورهه لسمانه....نورهه لسمانه



وي ذكرك تخر الجباه ويه الرؤوس..ويه الرؤوس
بسمك يبن حادي الفخر تهده النفوس..تهده النفوس
بضلوعي شايل كربلا وبعيوني طوس..بعيوني طوس
ياساعه اوصل مرقدك واشهك وابوس..واشهك وابوس
ياكعبة الله وكل يقيني ومنهلي...للجنه باب لكل محب ثامن ولي
نورهه لسمانه...نورهه لسمانه



كلبي على دربك يا علي يزود الونين..يزود الونين
كل لحضه لاجلك يشتعل بيه الحنين..بيه الحنين
فاز وضمن جنة عدن يبن الامين..يبن الامين
كلمن يجيكم سيدي بكلبه الحزين..بكلبه الحزين
يضمن جنان الله بهواك ويعتلي...للجنه باب لكل محب ثامن ولي
نورهه لسمانه..نورهه لسمانه



شمس الرضا على الحك علت باسم الحسين..باسم الحسين
دمعة فرح تهدي لحضرتك كُلّ عَين..يبن الحسين
يا راية الله ويا شبل فارس حُنين..فارس حنين
ياكوكب الدر يا لُجين في لُجين..يبن الحسين
رديته باسمك بالحقايق سائلي....للجنه باب لكل محب ثامن ولي
نورهه لسمانه.....نورهه لسمانه



يمته ابنك المهدي لهلك يسري ويعود..يسري ويعود
تنتضره شيعة حيدره واهل الصمود..اهل الصمود
يلويهه كَوم الخارجه واهل الصدود..اهل الصدود
يلهج كَلبنه لطلعته وما ضن يهود..ماضن يهود
المهدي كافل كل حسيني وكافلي...للجنه باب لكل محب ثامن ولي
نورهه لسمانه...نورهه لسمانه
رحيم الحسيني الحسناوي