تويت
دمعاتي تجري إدموم
لبن الرضا المسموم
................................
دمعاتي تنزل من دمه بهاي المسيـــه
إنذرفت على المات وگـضه بسم المنيه
هالليله بمصاب الجواد الجعفـــــريـــه
إبهايه المصيبه إتوجهوا للكاظــمـيـــه
بأحزان إجـــوي اليـــوم
لبن الرضا المسمـــــوم
...............................................
مــــولانه ياشبل الرضا إبليلة مصــابك
الشيعة وگفوا بالحزن وگـفه إعله بابك
تتحســر بهـذا المسه لضيعـت شبابـــك
جتي تعــــزي الكاظم إبسم اللي صابــك
تبـچـــــي بگلب مالـــــوم
لبن الرضا المسمــــــــوم
...............................................
اللـه جعـلكـم حجتـه لسائـر عـبـــــــاده
يوم السبت كل شيعي إلك يگصد فـؤاده
باب المراد ونشهـــد إبهايــه الشهــاده
كلمــن گصــد بابــك يــرد ماخــذ مراده
باب الكــرم معــلـــــوم
لبن الرضا المسمــــوم
..............................................
روحي العليله مالگــــت غيرك شفاهـــــه
حگـهــا يبـــو الهادي لـوّن بيك إيتباهــــه
بس يـمَّـك الروح إكشفـت عن محتواهـــه
لـنَّـك تعـــرف بدائهــا وتعـــرف دواهـــه
عالحضـرة روحي إتحوم
لبن الرضــا المسمــــوم
..............................................
آذكـــر مقــوله خلـدتهه آيـام السنيــــــن
لهايـــه المقــوله إلتفتلــي وإنتبــه زيــن
ماخـاب مــن يگـصد جـواد ومـد الإيديـن
وإشلــون أخيبـن آني أو گـاصد جواديــن
ما ظـــن أرد مـنــدوم
لبن الرضا المسمــــوم
..............................................
گــال الرسول المصطفــى إبمجمل كلامــه
كلمــن يــريــد الجــاه ويــريـــد الكـرامـه
مـن بعــدي خل يتمســك بنهــج الإمــامــه
وإحنـــه عهـدنه أويـاكـم ليــوم القيامــــه
عـهــد الــــولاء للــدوم
لبن الرضا المسمــــوم
..................
.........
.....
شعـر
ابويقين الصالحي
تعليق