تويت
القصيده الفاطمية الكبرى
الشاعر
حسن خليفه
الشاعر
حسن خليفه
من كمال الله سواج الكمال
ونورج الصافي تجي تبوسه الشمس
يهيم بيج الواقع ويسرح خيال
واعله حبج تبقى مرتاحه النفس
انتي يابضعة محمد لامحال
ايه نزلت لكن بهيئة انس
من جمال اخلااقج يجدي الجمال
ومن لسانج يبتدي الحجي السلس
اكتب وحبي الج شعر ارتجال
واكعد بمدرستج اتعلم درس
انه شاعر مني تتعلم اجيال
واكطع الجف الكسر ضلعج امس
انا اول من كلت لا للجهال
صوتي عالي وما رضه بحجي الهمس
كلت عنج فاطمه وكالو محال
وكلت عنج فاطم وكالوا عكس
هزني شوكج واكتبت ما هزني مال
وغيري ناس هواي هزاهه الفلس
عن علي وعنج حجوا مالايقال
وانتفض شعري وصرخ بيهم دئس
هاي فاطم طهر من طهر الجلال
وهذا حيدر زلم من سيفه تنس
يم كسر ضلعج عرض طال الجدال
لان ضلعج مو ضلع ضلع القدس
منه اعرج والدج يم العيال
واعله ضلعج حطوا لدينج اسس
انتي ضلعج دمعه بخدود الجبال
وبكسر ضلعج اجبال التنتكس
شتلو البسمار بضلوعج شتال
وخضر ادموع وضلم يالماتحس
سطرت الباغي اعله وجهج لاتزال
مثل غيمه او واكفه بوجه الشمس
دمع اسود انتي بجيتي الليال
وبحزن حزنج طلستيهن طلس
غنم جانت يم علي اشباه الرجال
واعله بابج صار واحدهم شرس
من صفاتج ما حوت حتى الصفات
ولامثل وصفج وصف شالت مره
انتي بعيونج غفه الدين ويبات
نام بالدنيا وكعد بالاخره
صبرج سيوف ورماح مشرعات
ودمعتج قران والخد دفتره
فرق كلبج والسيوف القاطعات
كلبج ابيض والسيوف مزنجره
انتي كطرة سمه بحر الامنيات
وانتي اول كطره شالت باخره
وانتي سالوفه بحلك كل الروات
ابابج التاريخ ضل لازم سره
ياحلم بعيون الالاف الحفاة
ثورة الاحرار ذريتج تره
انتي اوزان وقصايد شاردات
وانتي مطلعهن اذا شعري انقره
ياقصيده ستجدلهاالقافيات
ويا جزيرة شعر وبهيئة مره
يالعلى شفافج نبع ماي الحياة
حجيج اياه وحجيهم ثرثره
انجمعوا ابابج اولاد التافهات
شلة انجاس وعتاه وكفره
وخلوا البسمار بضلوعج يبات
وانتي ضلعج عرش الله ومنبره
الدفع بابج ابد ماعنده ذات
الباب واجفوفه اشجنت يا مجزره
الكسر ضلعج كسر ضلع الصلات
والصلاة بلاضلع ضلت تره
انتي بيج الموت يا مولاتي مات
لان مالج كل كبر بالمكبره
الكبر حفروا بس للميتات
وانتي حتى الموت من موتج بره
الكال عنج ميته عقله شتات
الشمس ماتندفن تحت الثره
ياهي مثلج خلفت سفن النجات
وجابت حسين وحسن من حيدره
وياهي مثلج وانتي ام الصابرات
بالصبر خلصتي عمرج صابره
انتي ام الطهر وام الطاهرات
وانتي ام النبي وبته الطاهره
والله يم شخصج زغيره المعجزات
انتي تفاحة الجنه المثمره
انتي دين وعفه واخلاق وسمات
انتي نور الله نورج مصدره
انتي ياسين وحمد والصافات
انتي ربج كون بيج اختصره
انتي ايه بحلك رب الكائنات
انتي سر النبي ودينه وكوثره
عدل دربج من حياتج للممات
لان ربج خطه الج بالمسطره
فاطم الزهراء فاطم ياصفات
التكدر توّصف بريق الجوهره
جيت اوصفج نشفت بحلكي اللهاة
وما اوصفج وارجو منج المعذره
تحياتي لكم
الشاعر حسن خليفه
ونورج الصافي تجي تبوسه الشمس
يهيم بيج الواقع ويسرح خيال
واعله حبج تبقى مرتاحه النفس
انتي يابضعة محمد لامحال
ايه نزلت لكن بهيئة انس
من جمال اخلااقج يجدي الجمال
ومن لسانج يبتدي الحجي السلس
اكتب وحبي الج شعر ارتجال
واكعد بمدرستج اتعلم درس
انه شاعر مني تتعلم اجيال
واكطع الجف الكسر ضلعج امس
انا اول من كلت لا للجهال
صوتي عالي وما رضه بحجي الهمس
كلت عنج فاطمه وكالو محال
وكلت عنج فاطم وكالوا عكس
هزني شوكج واكتبت ما هزني مال
وغيري ناس هواي هزاهه الفلس
عن علي وعنج حجوا مالايقال
وانتفض شعري وصرخ بيهم دئس
هاي فاطم طهر من طهر الجلال
وهذا حيدر زلم من سيفه تنس
يم كسر ضلعج عرض طال الجدال
لان ضلعج مو ضلع ضلع القدس
منه اعرج والدج يم العيال
واعله ضلعج حطوا لدينج اسس
انتي ضلعج دمعه بخدود الجبال
وبكسر ضلعج اجبال التنتكس
شتلو البسمار بضلوعج شتال
وخضر ادموع وضلم يالماتحس
سطرت الباغي اعله وجهج لاتزال
مثل غيمه او واكفه بوجه الشمس
دمع اسود انتي بجيتي الليال
وبحزن حزنج طلستيهن طلس
غنم جانت يم علي اشباه الرجال
واعله بابج صار واحدهم شرس
من صفاتج ما حوت حتى الصفات
ولامثل وصفج وصف شالت مره
انتي بعيونج غفه الدين ويبات
نام بالدنيا وكعد بالاخره
صبرج سيوف ورماح مشرعات
ودمعتج قران والخد دفتره
فرق كلبج والسيوف القاطعات
كلبج ابيض والسيوف مزنجره
انتي كطرة سمه بحر الامنيات
وانتي اول كطره شالت باخره
وانتي سالوفه بحلك كل الروات
ابابج التاريخ ضل لازم سره
ياحلم بعيون الالاف الحفاة
ثورة الاحرار ذريتج تره
انتي اوزان وقصايد شاردات
وانتي مطلعهن اذا شعري انقره
ياقصيده ستجدلهاالقافيات
ويا جزيرة شعر وبهيئة مره
يالعلى شفافج نبع ماي الحياة
حجيج اياه وحجيهم ثرثره
انجمعوا ابابج اولاد التافهات
شلة انجاس وعتاه وكفره
وخلوا البسمار بضلوعج يبات
وانتي ضلعج عرش الله ومنبره
الدفع بابج ابد ماعنده ذات
الباب واجفوفه اشجنت يا مجزره
الكسر ضلعج كسر ضلع الصلات
والصلاة بلاضلع ضلت تره
انتي بيج الموت يا مولاتي مات
لان مالج كل كبر بالمكبره
الكبر حفروا بس للميتات
وانتي حتى الموت من موتج بره
الكال عنج ميته عقله شتات
الشمس ماتندفن تحت الثره
ياهي مثلج خلفت سفن النجات
وجابت حسين وحسن من حيدره
وياهي مثلج وانتي ام الصابرات
بالصبر خلصتي عمرج صابره
انتي ام الطهر وام الطاهرات
وانتي ام النبي وبته الطاهره
والله يم شخصج زغيره المعجزات
انتي تفاحة الجنه المثمره
انتي دين وعفه واخلاق وسمات
انتي نور الله نورج مصدره
انتي ياسين وحمد والصافات
انتي ربج كون بيج اختصره
انتي ايه بحلك رب الكائنات
انتي سر النبي ودينه وكوثره
عدل دربج من حياتج للممات
لان ربج خطه الج بالمسطره
فاطم الزهراء فاطم ياصفات
التكدر توّصف بريق الجوهره
جيت اوصفج نشفت بحلكي اللهاة
وما اوصفج وارجو منج المعذره
تحياتي لكم
الشاعر حسن خليفه
تعليق