يحسين على دربك عيني تشتاك
واكتبلك حزن واشرحلك الحال
لترابك عبد خادم يمولاي
انصر قائمك لو شحت رجال
مو كلهه البشر الكم محبين
فوك من الورق مو كلشي ينكال
وانته اعرف يحيد وتدري بالناس
تتكَالب عليكم هاي الازمان
تتهاوى الدلال وطخت الراس
للذله وتبعهه بذله فنجان
فنجان اليهين العليه كل يوم
ويبيع البخت ويحمّل اطنان
تغرف هالبشر من منحر حسين
وبراس الرضيع تحمل سلال
شاطر لو يكلك خبزه والماي
وبليل اليمر به يحضر جمال
يوكفلك جبل وكت التفاهات
وكت الطكَ ينام بجال التلال
يحجيلك تفاني وهمه واخلاص
مايثبت ابد من يرشكَ الدان
لو كتله الامام يريد الانصار
يغديلك رجيج يدور احزان
يبجيلك دمع دم يهلك الحيل
يحجيلك قصص ويردلك الجان
ياسيد البشر محد تره وياك
من بعد المشو راح الوفه وشال
ولعاب النجس يتوارث احقاد
للدم اليحبكم هودر وسال
تذكر من خذو زينب والعيال
تذكر للاسر من شدو حبال؟
نفس العالطهر جاري من الاحقاد
واحفاد الكفر من اول وثان
ناب اهل الكفر للشيعي مخلوكَ
يصرخ كطّعوهم دم الاسنان
شغلتهم نحرنه اولاد الانجاس
عبّاد الحجر ورباة الاوثان