اللهم صل على محمد وعلى ال بيت محمد الطاهرين
العجل العجل العجل ياسيدي ويامولاي يا صاحب العصر والزمان عج ع
البرنامج الكامل لليوم السادس من محرم 2012
ـــ


لطميه ثكيل
ــــــــ


حزن الكلب ياذي ويزيد النوح..جيتك يبو فاضل سليبة روح
جيتك وكلبي بونينه...ياحبيب الله وامينه
جيتك يبوفاضل سليبة روح
ــــــ
جيتك بدمع الهضايم جيتك اشكيلك غربتي
ياكمر بيت الغرايب من يحل بعدك حسبتي
كلبي ضل بالحيره هايم بالضلع نامت حسرتي
من اخوي العالترايب ايّست خويه بدمعتي
جيتك يخويه وتايهه بلاراي...حرت وتعثّر بالجدم ممشاي
زينبك اَنه الحزينه...ياحبيب الله وامينه


بالعمر يبن الامامة ثابت مصاب الغوالي
زينب الهه الهم علامه ومحد يجاوب سؤالي
يبقه حزني وللقيامه دمكم بروحي وخيالي
ياعجيد اهل الكرامه ياصرح عزي ودلالي
نار المصايب بالكلب صفين...رحت وعفت زيتب تهيل العين
والدهر وجّرعلينه...ياحبيب الله وامينه


من شفت نحرك يخويه من شفت خصمك صنيعه
سالت الدمعه على عيني كسرت ضلوعي الفجيعه
صحت ابو القاسم محمدبالجتل شنهو الذريعه
هذه ابن حيدر ونينه وعالحرم روحه وصريعه
ضلمو هلك يابا الطهر هالناس...ضل عالنهر دامي الفحل عباس
راحت شماله ويمينه...ياحبيب الله وامينه




ون دليلي على الرزايا وعالقدر يوم التكدّر
واعتمدت على المنايا من هوت عيني على الاكبر
شاصبر وهاي السرايا صارت على اخواني معبر
وين ابن خير البرايا ردته كون الساعه يحضر
يلحك على اهله ويحضر بهالحال...ينغر على صياح الحرم واطفال
حامي بيت الله ونبينه...ياحبيب الله وامينه
جيتك يبو فاضل سليبة روح



كلبي يم جرف الدماني للبطل سار وتعنّه
يكصد لزهرة زماني حي جفيلي بحيله ضنّه
من وصل صاح ورماني من وصل يمه وتدنه
كال اخوي ابن المعالي غرّب وعافاني جنه
عاف الضعن حادي الضعن من راح..جفّينه يم راية علينه وطاح
جتلته جيوش الضغينه...ياحبيب الله وامينه
جيتك يبو فاضل سليبة روح




من زمن امكم وحيده والعلل تجهب عليه
من شفت اول شهيده الطاهره الزهره الزجيه
شفت انه مصايب اليمه يشهد الباري ونبيه
لم عمر جيشه ويزيده يكصد لخير البريه
كوم الغدر دارت عليه اليوم...الحك علينه وكف يخويه النوم





نزله
ـــــــــــ
طب ليث البراري البيه الكفايه...كض راس الفرات بجفه تجايه
طب وجرهه الرجال...صاح ابن الوفه وكال
بالجف للحُسين اهدي العذب مايه


صح درب الشريعه تحرسه جيش الوف...والطف صارت بجيش الضغينه صفوف
بس راعي الزنود بسيفه داس صفوف...ينشد والمنايا من الحقود تحوف
طالب يروي العيال...صاح ابن الوفه وكال
بالجف للحُسين اهدي العذب مايه



حيله من القلع باب اليهود الحيل...راواهم اسد هاشم يمينه الويل
زلزلهه وصفت يمنه ويسار الخيل...ودموم اَل اميه تهودر وجالسيل
سيفه الماضي جتال...صاح ابن الوفه وكال
بالجف للحسين اهدي العذب مايه




من حيدر عله ابن اهل الفخر نبراس...ثوبه الموزمه ويوم الشدايد ساس
صاح اَنه اليقين ابن الطهر عباس...تعرفني النوايب تدري بيه الناس
اسكي اليوم الاطفال...صاح ابن الوفه وكال






وي حيل الجفل نار ومنايه تصول...دم حشد الكفر عالغبره صار سيول
ماتجهب يمينه لازلم وخيول...يا جف اليجبله مدمم ومشلول
فوك الكلفه خيال...صاح ابن الوفه وكال
بالجف للحسين اهدي العذب مايه




سل سيف المنايه وصاح انه الضرغام...انصرهه الزجيه ومني عالي الهام
هيهات الحسين بهالغرب ينضام...ماهم بالسيوف ولا تهمني سهام
صبري بكبر الجبال...صاح ابن الوفه وكال




كلهم ياعتاة اهل الكفر لاوين...هاي الساعه ارد بيكم عذاب حنين
للزهره الزجيه بحيلي ارد الدين...وانصرهه العقيله وافدي اخوي حسين
واخضب بيكم رمال...صاح ابن الوفه وكال
بالجف للحسين اهدي العذب مايه





نزله
ـــــــــــــــــ
زوده بجفوفه يزينب يزينب يزينب
زوده بجفوفه يزينب يزينب يزينب
ـــــــــــــــــ
وافه جافل ضعنج الحره الزجيه....زلزل الكوم البطل بالغاضريه
سيفه يطبر بالزلم كل ضربه ميه...بجه عين العادتج من ال اميه
وحيل صاحت كربله..هذه ساجي العايله



بالفخر صال الكمر وابن الامامه...رايته وجود الشيم بالجف علامه
ودعّ سكينه وترك دمع اليتامه...صاح اردلج بالعذب كون بسلامه
عاف خدّر والحرم...للنهر راعي العلم
زوده بجفوفه يزينب يزينب يزينب
زوده بجفوفه يزينب يزينب يزينب


داس ابن حيدر علي بزوده المنايه...دك على جروف النهر والينه رايه
ثايه دك بكربله وشاعضمهه ثايه...هذه صلصال الفخر خير البرايه
عن يمينه ابن الفته...كوم تنطر غدرته


صد على حسين الوحيد بنص اميه...والخدر مايمه حامي بهالثنيه
صاح اموت ولا تضل زينب سبيه...ما يضل والحره حي على الوطيه
صاح بنت اعظم نبي...شلون تنحر للسبي
زوده بجفوفه يزينب يزينب يزينب
زوده بجفوفه يزينب يزينب يزينب


من وصل يم العذب سالت دموعه...يملي جوده ويكصد الحره برجوعه
سد ابن سعد الدرب هوه وجموعه...وينتضر نور الكمر ساعة طلوعه
صاح بيهم ياعلي...بيك كل هم ينجلي
زوده بجفوفه يزينب يزينب يزينب
زوده بجفوفه يزينب يزينب يزينب


بالدمه ودمع الحزن يتبع كلامي...غدرت سيوف الكفر يمنة امامي
باليسار على العلم والحك يحامي...عالوكع يم النهر اصرخ سلامي
طاح شيال العلم...طاح عنوان الشيم
زوده بجفوفه يزينب يزينب يزينب
زوده بجفوفه يزينب يزينب يزينب


طاحت اليسره وشبك راية علينه...وافه عباس البطل زهرة نبينه
كلنه نصرخ للحشر اَه ياولينه...يانبع غيره وكمر لاهل المدينه
طاح من روحي الصبر...وانتضر راعي الامر
يوتيوب خاص باوزان اللطميات
http://www.youtube.com/watch?v=wZaQJbIwVak