تويت
شهر المحرم // ابو ايمان المجراوي
هلال ألطف في يوم المحرم . جراحات بها هل كنت تعلم
دماء تتخذم ... لها هل كنت تهتم
**************
يا هلال المحرم ذكّرّت زينب
يوم الغاضريه وعاودت تنحب
ذكرت كل أهلها والدمع سچّب
والجرح الچبيرالبيها دم خضّب
لها قد عاد ما كان بذاكا . ومن ذا كان في القرب سواكا
بكت من حزنها دم ... لها هل كنت تهتم
***************
عالم من خيال يمثل الواقع
بفكار العقيله منالگلب نابع
يوم ألطف جزء ويوم السبي تابع
تمشيه بحزنها والجفن دامع
بها حزنا نما يوم الطفوف . وحزنا في السبي قاسي الظروف
أي الحزنين أعظم ... لها هل كنت تهتم
***************
من خيمه لعد خيمه العقيله
تركض والجدم گوه تشيله
بعيال النبي الحره كفيله
يا صوت ألتسمعه وتعتني له
صراخات علت عمتي زينب . ونيران غدة في القلب تلهب
وكلاٌ يتكلم ... لها هل كنت تهتم
***************
بدموع الحزن صوب المسنايه
مشت زينب تشاهد صاحب الرايه
صاحت يا بو فاضل جيت عنايه
أريدك ما أريد العلگمي ومايه
أبا الفضل تنادي وهيه تبكي . إلى الشام غدا ظعنك يحدي
وقلبي يتهشم ... لها هل كنت تهتم
****************
لحسين اعتنت تتعثر الحره
شافت جسم آخوها موسد الغبره
مسلوب الثياب ومنگطع نحره
والسهم المثلث نابت بصدره
دنت منه وصاحت يا ألاهي . قرابين لنا تلك الأضاحي
وشمرا يتبسم ... لها هل كنت تهتم
*****************
الخادم أبو إيمان المجراوي
******************************
هل شهرك ياخويه حسين ** والدمعه جرت مني
ما ادري بيوم الطف * *** اذكره لو يذكرني
**************************
هل ودمعتي هلت بعيوني وبدت تنزل
حرگت جفني من سالت غدت مثل المطر تهطل
صفت نار وشني اتلاگيه فوگ اخدودي بيه تشعل
ولهيب النار بعيوني عماني وگمت ما اندل
واهلال المحرم هاذ لونه ابناظري اتبدل
اصبح لونه لون الدم وجفني بدمه اتببل
اثاري وجهي بالدمعات تجرح هوه وتكبل
عميت وتيهت دربي وحالي ما هو الاول
گمت من كل شي انه ابجي وحيلي من البچي اتحلل
أريد ابعد من الكون وارضى بموتني واقبل
ردت موتي وتطمني الگاع ولاحزن اليمرمرني
******************
هل وشافته اعيوني وبديت بيومك اتذكر
عدت الاحداث من اول من يوم اللفه العسكر
وضعنه خويه من خيم برض الذبح برض الكر
گمت اذكر مصارعكم وحال أطفالي اليّاثر
ذكرت الواقعه كلها وشسوت جيوش الشر
شفت شبلك علي من طاح خضيب بدمه لأكبر
وعبدالله الطفل يحسين شفته بالسهم وأنكر
شفت الچافل اوجوده وچفّه وراسه المطبر
شفت اخواني يا مظلوم الواحد تلو لاخر
ولانصار والرضعان يحسين وسموم الحر
ونساوين البگت تنحب عنها بالي متأخر
بس ألي فجعني أهواي وخله حالي يتدهور
يوم الشفتك الوحدك عليك أهل البغي تفتر
وانته بلا معين اهناك ما ضل ولا منصر
والاروع وأشد من هاي شمر يم راسك أتگنطر
صعد صدرك يبعد الروح وانته صدرك اموذر
لزم سيفه وبده ينحرك يا خويه بظلم يطبر
وحز المنحر بسيفه وشيبك بالدمه اتعفر
چا شنهو أليصبرني من أتذكر المنظر
ياعين بوسعها اتشوف وماتخضب دمه وتمطر
وانه بالحرب وياك خويه وشافتك عيني
******************
الخادم أبوايمان المجراوي
تعليق