تويت
المهر الميمون // ابو ايمان المجراوي
آنه الميمون ****** واجيت اليوم
أخبركم ******** خبر مشئوم
*******************************
اجيت اودمعي ابعيناي ***اريدن بيهه أكلمكم
وإسهام التي بحشاي ***جبتهه وجيت انه يمكم
خبر محزن جبت وياي ***يگول حسين أخبركم
علة الغبره بگه مولاي *** يا اله ويودعكم
بگى مطروح *** الوالي المذبوح
على التربان *** بين إلگوم
***************
ظل حسين أبو اليمه *** وسط هالكوم يا زينب
ذبيح أمخضب ابدمه ***على الغبره ودموعه أتصب
أسلبت گوم الغدرهدمه ***وبدت بيه أبظلم تضرب
وصبح ميدانهم جسمه *** وعليه أخيولهم تلعب
اگطعوا نحره *** اهشموا صدره
وشمر بالسيف *** علية أيحوم
******************
وگع من ظهري عالتربان ***والمشعب وسط صدره
وگع وحده أبوسط ميدان ***حوى عدوان اله بكثره
بمهجته تلهب النيران *** ونار أحشاه متوجره
وحيد الوالي وعطشان *** واهل الجور منتشره
يدير العين *** يريد امعين
ودمع عيناه *** يصب ادموم
*************
أبي وما لان خيالي *** جموع إلگوم متهمه
اچن يا اله الوالي ***بيكم بس بگه همه
شجاع ونشمي للتالي *** والدكم أبو اليمه
ابد ما هاب الانذالي ***رغمها أعليه ملتمه
على الصوبين *** يصيح حسين
وبصدره سهم مسموم
***************
أخر ما بگة بأمري ***من إخبار مشئومه
وگع مولاي من ظهري ***على التربان بالحومه
تركته أجروحه دم تجري *** تعفّر جبهته ادمومه
وعليه أخيولهم تسري *** بعد ما سلبوا اهدومه
الوالي ذبحوه *** فلا رحمو ه
وقضى نحبه ***الولي مظلوم
****************
الشاعر أبو إيمان المجراوي
تعليق