تويت
فاطمه العليله // بو ايمان المجاوي
تبرا لي تبرا لي *صوركم بويه تبرا لي
بخيالي وخاطري يحسين *وترجمها بدموع العين
صوركم بويه تبرا لي
***********************************
طوح ظعنكم يا هلي * وبروحي أحس ناري تشب
وعيني أعله نگلات الجدم*مشبوحه والطول الدرب
سرتو لچن سهم انغرس *بحشائي وأنصاب الگلب
مسراكم مسراكم *طعني أبصدري مسراكم
عرفت اعله الهجر ناوين *وترجمها بدموع العين
صوركم بويه تبرا لي
********************
طوح ظعنكم يا هلي *وعيني على أمسير الإبل
تتنوع ونار الفگد *عگب المشو ما تنحمل
معلوله تركوني إخوتي *وتوجهوا لرض الچتل
عافوني عافوني *سقيمه أبعلتي عافوني
اصيحن هالسفر لا وين *وترجمها بدموع العين
صوركم بويه تبرا لي
**********************
طوح ظعنكم يا هلي *وتتغازر أدموعي بدت
من گوطريتو گوطرت*فوگ الجفن وبدم غدت
عن عيني غبتو والحزن *خطواته بجروحي مشت
شل حالي شل حالي *بُعدكم عني شل حالي
ذكركم ما تركته أبحين *وترجمها بدموع العين
صوركم بويه تبرا لي
**********************
طوح ظعنكم يا هلي*وانجمعت أبعيني الصور
صورت أبوي وعمّتي *وصورت علي وعمي الگمر
وصورة خواتي وعيلتي* الفارگني وياها الدهر
دمعاتي دمعاتي * عليكم تجري دمعاتي
يراميني بسهامه البين * وترجمها بدموع العين
صوركم بويه تبرا لي
**************
طوح ظعنكم يا هلي*وصفناتي گادني ومشن
للماضي وأتذكر صرت *وأمل يرد ذاك الزمن
اشعر غريب انه صرت *لنكم إلي چنتو الوطن
إهلالي إهلالي *عگبكم غايب إهلالي
يهل المن أذا ماشين *وترجمها بدموع العين
صوركم بويه تبرا لي
******************
الخادم أبو إيمان المجراوي
تعليق