تويت
السفير مسلم بن عقيل ع//ابو ايمان المجراوي
مثّل محمد .. والكوفة تشهد
وبدمه روّى الدين .. مسلم سفير حسين .. والكوفة تشهد
*****************
علم رف بسمه الكوفة مسلم شالته أيمينه
ممهد والغرض إصلاح امة احمد ودينه
مثل حيدر على المذهب حريص وما غفت عينه
دخل للكوفة شايل روح على راحات چفينه
للوالي عاهد .. وبنفس جاهد
ضد زمرة الباغين .. مسلم سفير حسين .. والكوفة تشهد
**************
بعقيدة سامية ومبدءا بالكوفة علن ثوره
المسا واه والعدل بالناس كانت مّخلص ألفكره
ورفع أيد الظُلم عنهم والحق غايته ينشره
رقه المنبر خطب خطبه ودعه الأخيار للنصرة
كان بمقاله .. حجه ورسالة
والكوفة متجمعين .. مسلم سفير حسين .. والكوفة تشهد
**************
عليه الكوفة أتجمعت تشكيله الظلم والجور
ولبن عمه اخذ بيعه بعد ما كشفوا المستور
گألوا نبدي نهضتنا بچلمت أمت يا منصور
لاچن للضلالة أعيون خلّت هالا مر محظور
أهل الخيانة .. كشفوا بيانه
وأعله الغدر ناوين .. مسلم سفير حسين .. والكوفة تشهد
**************
خبر مسلم لعد هاني بالكوفة انكشف أمره
وابن مرجانه وأذنابه غدة تتّبع أبأثره
لچن مسلم تركها الدار رجع للمسجد بسره
خطّب والوادم أنجمعت لچن مرتابة متخطره
صلّه وتعبّد .. ما شاهد احد
گأل العهد چآوينه .. مسلم سفير حسين .. والكوفة تشهد
***********
طلع من مسجد الكوفة وصبّح وحده بأزقّتها
غريب ويلتفت محتار علِم لاحت خيانتها
وين البايعوني يصيح خبرت حسين بيعتها
اختفت وانغلقت الأبواب وانعدمت كرامتها
شاهد غدرها .. بعينه ومكرها
والمن يدير العين .. مسلم سفير حسين .. والكوفة تشهد
************
گصد دار بضواحيها وبلهفه طرق بابه
عطشان ونشدها الماي نار بصدره لهّابه
گألت انته من يا بيت رادت تعرف أنسابه
عرفت من نسل طاهر يعود وطاهرة ألبابه
طب گضّة ليله.. بدار الجليلة
وبيه حوطت صوبين... مسلم سفير حسين .. والكوفة تشهد
*************
من كل جانب أعله الدار زمر أهل البغي التمّت
گصدت دار طوعه أتريد لمن بالخبر علمت
بنبال وحجارة وسيف أعله مسلم وبغدر هجمت
وأمان ولا أمان أنطوه الظماير بيهم انعدمت
بخسة ودناءة.. سفكوا دمائه
حز رأسه سيف البين... مسلم سفير حسين .. والكوفة تشهد
**********************
الخادم أبو إيمان المجراوي
**************************************
بين البوادي * مسلم تنادي
صاحت حميده * يحضرني أريده * مسلم تنادي
*********************
نادت يمسلم والملا يسمعونها
وتتسابگ أدموع الحزن بعيونها
يا بويه هالغيبه شنو أيسمونها
وغيبة الوالد منهم يصبرونها
هايج حنيني * ونوحي و ونيني
عگبك لأزيده * يحضرني أريده * مسلم تنادي
********************
تسألني روحي وانه أضل محتاره
چا وينه مسلم ما سمعتي إخباره
يا ساعة ترجع گلبي تلهب ناره
منتظرة جيتك ما بقت لي چأره
يا بويه وينك * طلعت جبينك
صارت بعيده * يحضرني أريده * مسلم تنادي
********************
منتظره وعيوني تصد للكوفه
كل ساعه اگولن هسّه عيني أتشوفه
غايب عليّه ومدري شنهي اضر وفه
وبديره يا ناس بغدر معروفه
كل فكري يمه * ربي يسلمه
من كل مكيده * يحضرني أريده * مسلم تنادي
********************
يا بويه كل يوم انتظر مرسالك
يا من خذت روحي وصفت تبرالك
منك ردت بويه خبر عن حالك
بيه اطمأن وبشرى أزف لعيالك
لاچمني گلبي* وعيوني تربي
وأنطر بريده* يحضرني أريده * مسلم تنادي
********************
عذبني هجرك والصبر مليته
يا بويه بعدك والدمع هليته
چم صوت إلك يل مبتعد ناديته
يا ساعة اگولن مسلم يطب بيته
أصبر واتاني * شو ما جاني
وحط أيدي بيده * يحضرني أريده * مسلم تنادي
********************
حس راسي الحسين وعرفت الغايه
بويه وعرفته النوحي ما له انهايه
بويه ألدليلي أتوجهت عنايه
لوعت مصابك وأظلمت دنيايه
يتمني دهري * ما راعه صغري
طفله و وحيده * يحضرني أريده * مسلم تنادي
********************
الخادم أبو إيمان المجراوي
**************************************
مسلم عنوان الكل ثوره
****************
شاهد ضلت ها لشخصيه
الكل ثورات ألإنسانيه
مسلم وأهدافه القدسيه
برهان أيضل واضح أمره
*************
بأزكى الدم قدم تضحيّه
وبسيف الحق خط قوميه
عبدها أدروب الحريه
والتاريخ أيشيد أبنصره
******************
بعصور الشر والوحشيه
وضّح معنى الاسلاميه
گلّب أوراق المطويه
ومن أعداء الله أتبره
****************
بين الناس أعلن تسويه
دستور الحق وهّج ضيه
مسلم بأفكاره الواعيّه
كانت لا للذل ألفكره
************
بوضاع الكوفة المتأزمه
شاهد حي ضل صبره وحلمه
يغرس جذر ألثوره بحكمه
وبكل جيل أيشع ضل ذكره
******************
مبعوث المنهج كل همه
للبر يحدي بهاي ألامه
ما ساوم بل قدّم دمه
مبعوث حسين وكل عمره
****************
الخادم أبو إيمان المجراوي
تعليق