تويت
انصار الحسين // ابو ايمان المجراوي
اليوم الأنصار . يمغوار . عمرها أتقدمه
******************
هاي الأنصار بالأخطار عليها ألطف شهد
سحگت الخوف بالطفوف واجت تعلن عهد
صاحت بصوت إلى الموت نحامي المعتقد
اليوم الأرواح على الراح تنادي وباسمه
*****************
صاحوا معين للحسين نصير احنه وسند
ترخص الروح والجروح لون تنزف بعد
كلنه وياه أعله يمناه وحگ واحد احد
اليوم الرماح والصفاح تلوّح بالسمه
*****************
صوت إلك صاح يملاح كريم الينطلب
للوغى أنريد يصنديد نخوض احنه الحرب
سيدي اليوم على إلگوم أرضهم تنگلب
أمر وشوف بالچفوف نطب للملحمه
*****************
نفدي الأعمار للأطهارعزمنه بكربله
ونمنع الراد بالأوغاد يمس العايله
نصبح السور والنذور يبن عقد الوله
الهاي الأطفال والعيال نضحي بالدمه
*****************
النصرة الآل بشد حال فدى أنصير ونذر
وفوگ الرمال الأوصال نطشها بلا عذر
نهوى الآجال و الآمال نصير الهم ستر
حصن الإرهاب للاطياب نريد أنهدّمّه
*****************
الخادم أبو إيمان المجراوي
تعليق