تويت
صوت الضمير للعباس ع/ابو ايمان المجراوي
في ظامري صوت .. وينادي يا موت
اليوم أأدي الفرض .. وبخصمي ارج الأرض
وينادي يا موت .. وينادي يا موت
***********
يبو أليمه إلك عمري نذر منذور
يمن حبك ملكني وبصميمي أينور
إذا عن اليضدك أصبح انه السور
كرامه ومنيه أحصلها بكياني أتدور
اجيتك رخصه اطلب والعلم منشور
وأحلفك لا تردني وخاطر مكسور
ناوي الشر يعه .. يبن الود يعه
ما ريدن اسمع رفض .. .. وبخصمي ارج الأرض
وينادي يا لموت .. وينادي يا لموت
***********
حقيقه ومنها متيقن يقين أملاك
انخلقت بحكمه أصير بكر بله وياك
عضيد ك بل نصيرك بل فدا أثراك
اقسم في صميمي كل وتر والاك
شرف يوم الطفوف ارفع حُسين ألواك
وأقدم منحري ألمرضاتك وعيناك
كل نفسي أتهون .. چفّي والعيون
مجاني إلك هالعرض .. .. وبخصمي ارج الأرض
وينادي يا لموت .. وينادي يا لموت
***********
يميني فدوه ليمينك يبن حيدر
ويساري اليسرتك منذوره تتوذر
رضيت بعيني تطفئ وعينك التكبر
والرأس بعمود ألخاطرك ينطر
نعم أشلاء أصيرن اقبل أواگدر
وأذوق الموت دونك واحترگ وانذر
ما اشرب الماي .. خل تيبس احشاي
قاسم إلگطع النبض .. .. وبخصمي ارج الأرض
وينادي يا لموت .. وينادي يا لموت
***********
حُسين انته تربتي وطفّك السجاد
وعليك اليوم أصلي وأوفي بالميعاد
إلك كل ركعة صوله بجمعة الأوغاد
وإلك كل سجده طعنه بعولمة الإلحاد
بقنوتي أعله الشر يعه بالعزم ازداد
وخشوعي الماي أجيبه الآل أبو السجاد
يحسين انه أهناك .. أرد ارفع الواك
والروح خل تنقبض .. .. وبخصمي ارج الأرض
وينادي يا لموت .. وينادي يا لموت
***********
أريد الماي اگصده وجودي منه أمليه
وال آلك يبو الأكبر ارددن بيه
انه ادري بجودي خويه العين تربي أعليه
واعرف بالظعن ضامي وأريد ارويه
نعم اعرف حراسه أعله الدرب الامشيه
لاچن ناوي خويه ولازم أوصل ليه
زينب والعيال .. بي عقدوا آمال
فنّه إلگدر يعترض .. .. وبخصمي ارج الأرض
وينادي يا لموت .. وينادي يا لموت
***********
الخادم أبو إيمان المجراوي
تعليق