تويت
ندبه للعباس ع/ابو ايمان المجراوي
يبن المرتضى الرضعان روعوها
************************
بدموع الحزن وبصوت أصيح أعليك
وينك يا بو فاضل زينب أتناديك
صوب المشرعه عيني غدت تربيك
روحي من الهضم عباس هضموها
*************************
بخيامي اعلگت نار الظلم والجور
وانتظرك ترد لي أبخاطري المكسور
يا سور الشهامه ألمثله ما ضن سور
عدوانك خيمنه أبنار حرگوها
*************************
بل بيده العيال بغيبتك هامت
وفلول الأعادي أعله الظعن حامت
تتصارخ يعمه أبكل كتر گأمت
وبسوط النذاله أعداك ضربوها
************
وينك يالعجيد وفارس الفرسان
وصلت للحرم من بعدك العدوان
گوم انهض يخويه واجمع الرظعان
چم طفله وطفل يا نشمي بچوها
*********************
بصوات النحب يا عمي يا عباس
رظعانك تنادي بشهگت الأنفاس
ضربتنه يعمي بغيبتك الارجاس
وبقسوه الحرم بحبال جروها
**************
مشبوحه أعله دربك ضلت الأنظار
وأبگلب اليتامه من الحزن چم نار
ما ضل مأوى خويه لا وطن لا دار
والشام النوايب اسرى ودوها
******************
الخادم أبو إيمان المجراوي
تعليق