تويت
الشوق الى الحسين ع/ابو ايمان المجراوي
إلك يحسين *** مشتاگين *** نتاني بشوگ عاشورك
*******************
لون كل يوم إلك عاشور ***نار أللهفه ما تطفه
لهفتنه إلك يحسين *** ومن ذكرك منت كفه
مرضه احنه ودوانه انته ***وبحبك نريد نشفه
يمن ذكرك إذا احنه أنام ***نذكره گبل لا نغفه
عمر عشناه ***ابد ننساه ***سنينه أمصاحبه أشهورك
****************************
شهر عاشور من أيمر *** نهيم بعالم أللهفه
نهيم ونترك الواقع *** ونرد أردود للو سفه
شعور و بالگلب عايش ***شوگ وفاض شينشفه
مثل جرحك يبو اليمه *** يجري وما وگف نزفه
سنة انتانيه *** شهر البيه ***فاضت بالدمع أنحورك
********************
نوايه صافيه بالروح ***مثل ماي الشرب واصفه
مصحوبه بعزيمه أتريد ***تزور احسيننا بطفه
نريد أنشوف مولانه *** ذيچ الساعة ونسعفه
نريد أنموت كلنه أفداه ***گبل لا ينغمض طرفه
نريد اليوم *** نضحي ادموم ***گبل لا ينطفي نورك
*********************
تضل يحسين تاج الرأس ***واشرف واحد أتشرفه
وتضل رمز الشجاعه انته *** يبو سيف العدل تكفه
إلك موقف فلا ننساه *** يوم ألطف وإلك وكفه
ردعت الظالم وجوره ***ومشيت أبمشية الكلفه
عقيدة انته ***وقيم بحته ***وتألق بالشرف دورك
*****************
الكل بيت العماد انته *** وانته سوره وسگفه
صورة انته أبوسط لگلوب ***صارت للنفس تحفه
خسارة عمره ليبغضك *** بروحه ما عرف صرفه
وهنيئا ً للذي حبّك ***وبحبك لگة حتفه
اليموت أفداك *** فلا وفاك ***يالوفيت بنذورك
*************
الشاعر أبو إيمان المجراوي
**********************
قسم لو چنه ويّاك *** إمام ألطف نصرناك
حسيناً يا حسينا *** حسينا يا حسينا
****************************
قسم قدّمّه الوجدان * إلك يا محيي الأديان
نعم يا معنى الإنسان * فداء أنصير لثراك
***********
عمر لثراك مرهون* لون نتگطع أتهون
مثل عابس مثل جون* نضحي أبدمنة لدماك
***********
على أدروب المنايه * انتسابگ للنهايه
حسين وعدنه غايه *نريد أنموت بهواك
***********
لون بألطف يمظلوم *حضرنه آوياك هاليوم
نعم چان الثرة ادموم * نحنيهه بدمه أعداك
***********
قسم يا گرة العين * انتوذر بالميادين
نصيح بصوت يحسين * عمر كله فداياك
***********
نعم يا خيرة الناس * عليك أنصير حراس
لونها تضيگ الأنفاس * نلبي يالولي أنداك
***********
يريحانة محمد * لونها الحرب تشتد
علينه الباري يشهد * نضل أعله العهد ذاك
***********
عزمنه أنصير إلك سور* نضحي ألنحرك أنحور
قرابين إلك ونذور * وحگ يحسين عيناك
***********************
الخادم أبو إيمان المجراوي
****************************
حسين جبرائيل هزّه وشاله
************************
حسين يا شيعي ألك أكبر رمز
حسين قدوة حسين نخوه حسين عز
مو عجيبه الوحي أبمهده يهز
حسين ما كو أعله الأرض أمثاله
**************
حسين من دمه روت شجرت الدين
حسين قوه ونخوه وحصن الحصين
ألدنيه ما شافت ابد مثل الحسين
شاهد الدم بالطفوف السأله
**************
حسين ريحان النبي وابن الرسول
حسين ضنوت حيدره فحل الفحول
حسين مهجة فاطمه ألزهره البتول
حسين من أل النبي وعياله
*************
يشهد ألطف عن بطولته الشهم
يشهد أضماه أعله صبره والعزم
حسين ركن الثابت ألما ينهدم
حسين حگ الله بفخر يبرا له
*************
حسين رمز التضحية ورمز الفداء
حسين أعطى ألربه من أزكه الدماء
حسين ما مثله شخص قدم عطاء
حسين عفر بالتراب أوصاله
************
الشاعر أبو إيمان المجراوي
***************************
تعليق