تويت
زينب الحوراء ع/ابو ايمان المجراوي
من بعد الوالي احسين *** لا نار ولا نارين
بمهجت زينب *** تسعر تلهب *** لا نار ولا نارين
*****************
أول نار أبزينب شبت نار الفرگة يحسين * نار الفرگه يحسين
فرگاكم يا هلها وانتم عد زينب مو هينين* نار الفرگة يحسين
فرگاكم مو هين عدها ولا تگدر تصبر حين * نار الفرگة يحسين
من تصبر شيصبر ألدمعه الصارت نار وبالعين* نار الفرگة يحسين
نار أتحولت لدموع *** زينب من عدهه أتلوع
المن تندب *** تسعر تلهب *** لا نار ولا نارين
****************
والنار الاخرى يا لوالي نار أصراخ الرضعان * نار أصراخ الرضعان
من تسمعهم زينب هيه بكل صرخه أتشب نيران* نار أصراخ الرضعان
صرخات الأطفال التندب يا عمه امن الصيوان * نار أصراخ الرضعان
يمته ألچأفل يرجع ألنه روي أبجوده العطشان * نار أصراخ الرضعان
شجاوب والعباس ***عالغبره ومدمي الرأس
طاح أمخضب ***تسعر تلهب *** لا نار ولا نارين
****************
وثالث نار الشبت بيها من شافت هالظلام * من شافت هالضلام
شعلت بالنار امخيمها وحرگت كل الاخيام* من شافت هالضلام
ولا خيمه الظلت عد زينب وين أتخلي الأيتام* من شافت هالضلام
محتاره الحره وحيرتهه بيهه أتبث الآلام * من شافت هالضلام
محتاره الحره اليوم*** والجيش أعليها أيحوم
ودمعتها أتصب *** تسعر تلهب *** لا نار ولا نارين
****************
رابع نار الحرگت ألزينب من طلعت للميدان * من طلعت للميدان
شافت كل الوليان انذبحو ما ضل عدهه وليان* من طلعت للميدان
والنار اشتعلت بيهه أكثر من حاطتهه العدوان * من طلعت للميدان
وإحساس الوحده وغربتها وصوت أصراخ النسوان*من طلعت للميدان
زينب بت الكرار *** شافت چم نار ونار
كل ساعة اتشب *** تسعر تلهب *** لا نار ولا نارين
**************
نيران الأحداث أبزينب شبت چم نار أبنار* شبت چم نار أبنار
نار الفرگه ونار الحيره ونار أهجوم الأشرار* شبت چم نار أبنار
ونار الوحده ونار الغربه وچم نار امن إلي صار* شبت چم نار أبنار
ونار المهجه ألتحرگ بيها منظماها وجو الحار* شبت چم نار أبنار
بزينب نيران أهواي *** والدلال إبلا ماي
من من تشرب *** تسعر تلهب *** لا نار ولا نارين
**********
الخادم أبو إيمان المجراوي
**************************
أيا حورا أيا حورا *** أيا مسبيّة ألخدري
وعنده ألكفري في اسري
************************
يبنت أهل الشرف والزود **أسيره صرتي بيد أيهود
عگب ذاك الخدر والعز *** دمع خدّچ يحره أيجود
حزينهه وگيدچ أب أيدچ**غريبه وبين جمع أحشود
بلا ناصر ولا والي *** وشمر بيچ اليزيد إيگود
*بأرضي ألجوري ولغدري ***وعنده ألكفري في اسري
****************
عگب بيت النبي احمد**وعگب ذاك الذكر الأمجد
صبحتي بغربه مسبيه *** أسيره وما الّچ احد
غريبه أبديره ما بيها * * * مُناصر الكم ومسند
تفيض بصدرچ ألعبره *** ودموعچ تصب عالخد
*ومن فيض الدماء تجري ***وعنده ألكفري في اسري
****************************
بقيد ألظلمي والأغلال *** وجور الدهر والأهوال
جرعتي الهم يمهيوبه *** وحالچ ما يشبهه حال
العقيله ضنوة ألزهره *** وحيده وبين جمع أنذال
وجرح گلبچ يبت حيدر*** چبير ومنوجد له أمثال
*وحزن ألفقدي في الصدري ***وعنده ألكفري في اسري
***********************
بدمّع حيره وألم وأحزان *** يحره وبالگلب نيران
تكفلتي الظعن وأنتي ** * وحيده وما إلچ وليان
جمعتي ألعتره مولاتي ***وعليچ امحوطه العدوان
ومضيتي ابنصرتچ لحسين *** فلا دنگتي للطغيان
* حملي راية ألنصري *** وعنده ألكفري في اسري
************************
تبعتي ملّت المختار *** ومشيتي أبمشية الأحرار
وعزمچ بالنضال أيزود***ونضالچ نابع أب إصرار
فخر كل ماجده أنتي *** يبت حيدر علي الكرار
شُجاعة عصرچ العشتيه ** وتباهي بشخصچ الثوار
وأنتي للزمن فخري*** وعنده ألكفري في اسري
*********************
الشاعر أبو إيمان المجراوي
***********************
يحسين أوصية ألزهره*** گألت شميه أبصدره
********************
يحسين آتگرب مني *** خويه آوياك أوگف خلني
يحسين أمك وصتني*** گألت حبّيه أبنحره
*************
يحسين انه اموصايه ** وأمك هيه الوصايه
گالت يا زينب هايه ***أوصيتي ابذمتچ يالحره
*************
أمك گألت يا لوالي *** لو شفتي حسين الغالي
بألطف دمعاته أتلالي ***نشفي من عيونه العبره
*************
لو ما ضل ناصر يمه *** والگوم أتطالب دمه
ذكريني زينب يمه ***ونادي أعليه يا بو ألعتره
*************
صيحي أبصوتچ خل يسمع ***ناديه أوگوليله ارجع
گولي آوياك أرد أتودع ***وأوفي أوصيتي بهل مره
*************
يا زينب ذكريه بأمه ***الشالت من صغره همه
انه اعلم بألطف دمه *** بتراب إلگأع يعفره
****************
الشاعر أبو إيمان المجراوي
***********************************
تعليق