تويت
ندبه للكرار ع/ابو ايمان المجراوي
نيران وخوف * يا كرار
ياريت أتشوف *يا كرار
آلك بين العدوان* تتراكض بالميدان
ياريت أتشوف * يا كرار
********************
يحامي الجار ألك اشرح مصيبه *يوم ألطف شهدها
حوادث يالوصي كانت عجيبه* تصعب من نعدها
عيال آل النبي تصبح غريبه *عگب عزها ومجدها
من حال الحال * يا كرار
بين الأنذال * يا كرار
صارت مرمى الفرسان * تتراكض بالميدان
ياريت أتشوف * يا كرار
********************
عليهم يا علي حاطت عساچر* ابن هند أبمكرها
بلحومه بعد وين النواضر* تصد حارت بأمرها
تندبك وبرجاك أتكون حاضر*تشاهدها بصورها
بلحومه أتدور* يا كرار
أبخاطر مكسور* يا كرار
لألك ما ضل أمچأن * تتراكض بالميدان
ياريت أتشوف * يا كرار
********************
علي الأكبر وگع بين الأعادي * فجع گومه أبمصابه
وعليه أتحاشمت شر ألعبادي * اگطفت زهرة شبابه
يبويه حسين وبحسره ينادي *وتحنا أبدم خضابه
الأكبر من طاح * يا كرار
يا حيدر صاح * يا كرار
شاهد وأعظم برهان* تتراكض بالميدان
ياريت أتشوف * يا كرار
********************
يبو السبطين اجت صوب الشريعه * تشوف إلي چفلها
لگت چفينه يا حيدر گطيعه * وانجمعت عللها
حرم وأطفال طشت بلوسيعه * انگطع من عدها أملها
الچافل مطروح * يا كرار
لا وين أتروح * يا كرار
والبر صار العنوان * تتراكض بالميدان
ياريت أتشوف * يا كرار
********************
علة حسين أركضت ركضه مروعه * تلوذ بكتره منهم
أتسابگ والجفن تهمل دموعه * مصاب ولوعه ترسم
وصلت يمّه لن شافت ضلوعه * بيها اترك زمرهم
داسوه بالخيل * يا كرار
ودموعه أتسيل * يا كرار
خلو هاي الرضعان* تتراكض بالميدان
ياريت أتشوف * يا كرار
*******************
الخادم أبو إيمان المجراوي
تعليق