حزن ينعاد يالحادي حزن ينعاد...بجيتلي جبال والوادي انه السجاد
انه ابن الدر يعرفوني...رحت والدمعه بعيوني
انه السجاد.....انه السجاد
ـــــــــــــــــــــــــــــــــــــــــ
اهيم بلوعة الضل بالغرب مذبوح..تجدد هالمصاب وجم جرح بالروح
انه الشفت المصيبه وضل دليلي ينوح..وانه الحطو على جتافي الكيود تلوح
ابوي الراح لاجدادي ابوي الراح..دمع بالعين ضل سادي علل وجراح
بجيت وهملن جفوني...رحت والدمعه بعيوني
انه السجاد...انه السجاد





يربي انته الوحيد البالحصل تدري..اعاين عالرؤوس وهالدمع يجري
يحر كون بمكانك هشمو صدري..يمن نحرو ركبتك ربك اليدري
شفت اطفال مسبيه شفت اطفال...شفت ابطال مرميه شفت ابطال
بنهر من دم يغركوني..رحت والدمعه بعيوني
انه السجاد...انه السجاد





دموع من الدمه بطف الغدر طاحت....طيور البالسما على ابن الطهر ناحت
يسيره وللغرب زينب اسف راحت....هضيمه مسلبه وبيهه العلل لاحت
خذوهه الكوم لابن الشر خذوهه الكوم...كبلهه الروس تتسطر منايا تحوم
طغاة اهلك يسموني...رحت والدمعه بعيوني
انه السجاد....انه السجاد




عدل بس مو عدل ميت خلص جسمي...جروح البيه من كيد الجتف تجري
تغير من ضلم هاي البشر رسمي....يطيح على الارض من الضرب لحمي
جثيره سياط ضربتني جثيره سياط...ثكيل الكيد وي متني عليه انحط
ابوك انضر يصيحوني..رحت والدمعه بعيوني




مشينه وهالدرب ياهالمصيبه بعيد..خذونه ووجهونه على العلل ويزيد
رقيه العالهزل تصرخ ابوهه تريد...هدم حيلي النياح وعالعقيله يبيد
لطمنه بحيل للباري لطمنه بحيل...نصيح الويل ونجاري صبحنه وليل
بحبل ظالم يجروني...رحت والدمعه بعيوني
انه السجاد....انه السجاد






هضيمه ميسرين واحنه اهل الدين...صفينه بهالغرب نبجي ونهل العين
على اجسام البكت بالطف بكت لاوين...وابونه على الرمح راسه الغريب حسين
سيوف الشام اذتنه سيوف الشام...علل والام راوتنه يهالاسلام
عليه الدم يشوفوني...رحت والدمعه بعيوني
انه السجاد.....انه السجاد
رحيم الحسيني الحسناوي