تويت
حسين الما مثل شانه وجاها
وسافه الدهر لخيامه وجاها
خواته بالغرب ظلت وجاها
زجر وازجر ها بسياط الرزيه
عليه الوكت وجيوشه تراهاي
وصبر كلبي على امصابي تراهاي
يبو السجاد ناديتك تراهاي
زلم وخيول هجمت عالثنيه
مره اكطع طريج الصبر مرات
وشفت عكبك يخويه غصص مرات
مو مره صحت يحسين مرات
وانته ما ترد اجواب اليه
دليلي ابغيبتك يحسين شالوه
وعبيط الجان يجري كبل شالوه
عكب مصرعك راسك ليش شالوه
على روس الرماح السمهرية
تعليق