تويت
جيت اواسي فاطمّه /ابو ايمان المجراوي
جيت أواسي فاطمه . جيت أواسي
**************
على أجدامي اعتنيت أزيارة حسين
أصيح بصوت عالي ودمعي بالعين
يهل مذبوح روحي ما هدت حين
ودليلي بنار تلهب صار اله أسنين
گلبي حزني يألمه . جيت أواسي
********************
رغم ذاري التراب وشدة الحال
أريد حسين أزوره بكل الأحوال
فلا همني الألم وحتوف الآجال
ولا يهمني تفجر جسمي الأنذال
ثوبي احنّيه أبدمه . جيت أواسي
********************
على درب ألمنيه عمري مرهون
ودمع يالزهره يجري من العيون
أصيح بعالي صوتي ويا ليصيحون
إلك يا لوالي فدوه روحي أتهون
روحي بيكم هايمّه. جيت أواسي
********************
گصدت انه ألضريحه يا لوديعه
أريد اليوم أواسي بها لفجيعه
أسير بهمّه واطوي بهالوسيعه
ولون عمري خسرته ما أبيعه
عمري جيت أقدّمه . جيت أواسي
********************
فكر عاش بخيالي ومعتقد بيه
الحُسين أشما أقدّم ما أوفّيه
قليل بحقه ادري إلي اضيحيه
لچن مخلص كلامي بكلشي افديه
كل حياتي خادمّه . جيت أواسي
********************
اعتنيت ألساني يلهج بسمّه ويصيح
وردها أحروفه صار الگلبي تسبيح
وعلى خدي المدامع من دمه اتسيح
لون بس حاء اصيحن دمعتي أتطيح
الشوفه احسّن بالضمّه . جيت أواسي
********************
الخادم أبو إيمان المجراوي
