اربعين بوذية في رثاء اهل البيت
تم كتابتها بواسطة خادم اهل البيت
جعفر البدري

الموضوع صالح للنقل بشرط ذكر اسم الكاتب
ولكم الاجر والثواب

ملاحظة : سأضع هذا الموضوع في منتديات اخرى شيعية
ولكم الحرية في نقله الى اي مكان اخر لم انشره فيه
سواء في مواقع التواصل الاجتماعي او غيره ..


بسم الله الرحمن الرحيم
اللهم صلي على محمد وال محمد
(1)

في الامام علي (ع)

انا اللي رضعت حبك حين جنت بمهاد
ودلالي بمصاب الطف ماهاد
انا هايم ابحر حبكم وماهد
ولاية علي وأنبذ امية

(2)

في السيدة زينب (ع)

مصايب على زينب جارن وهاجن
وعشر أيام الدهر هاجن
لجن حبكم أثر بعابس وهاجن
وخلى جثثهم على الوطية



(3)

في فاطمة الزهراء (ع)

وحق ضلع الزهراء ءالصار يضلهم
مصاب الحسين بالقلب يضل هم
عونة النشر سواده على حسين ويضلهم
بالحشر علي حامي الحمية

(4)

في أم البنين وليلى أم علي الاكبر (ع)

لبسي سوادج يافاطمة وعلي
على الأربعة العندج صرخي وعلي
أخبرك ظل مرمي عباس وعلي
موذر سيوف ال امية

(5)

في مسلم بن عقيل (ع)

عيني على بالكوفة دمعت وهلت
علي دارت عليه العدى وهلت
انفطر لجله قلب طوعه وهلت
بحور الحزن لإبن الهاشمية

(6)

في أنصار الحسين (ع)

سباع وقفت دونك وحامت
وعلى الجحافل راحت وحامت
لجن روسهم عالرماح تنشال وحامت
بقصر إبن مرجانه البغيه

(7)

في أبا الفضل العباس (ع)

ياعباس السيف بيدك لهاباك
نسر وتخافك صيداتك لهاباك
أخبرك شنو بالطف أصنعت لهاباك
حرق ووذر جثث بالغاضريه

(8)

في القاسم إبن الحسن (ع)

وصيت أبوك يا جاسم غرها
ولحسين لعيناه اصبح غرها
احمل على ابن سعد وأصنع غرها
يحسبك ابن حامي الحمية

(9)

في ليلى ام علي الاكبر (ع)

تعال يالأكبر بحجري وألمك
أطيب بجفوفي جرحك وألمك
تمنيت ياعلي تسندني بكبري وألمك
تكون خادم حتى المنية

(10)

في عبدالله الرضيع (ع)

يابني بغماطك شلف جفناك
وسهم الغدر ماخطى جفناك
بموتك فرح حرملة جفناك
ابن حيدر خير البرية

(11)

في الامام الحسين (ع)

يابو علي السمى السبعة بجت عليك وحنت
والعقيلة بدماك لشعرها وحنت
أخبرك برقية من غبت عنها وحنت
قدمت للراس روحها بصحن المنية

(12)

عتاب بين زينب والعباس (ع)

وينك يالي جان شخصك ومضه
وعالوعد قتله امضي ومضه
لجن ذيج روحه عالشط ومضت
وبقيت عقبك بالصخر رمية

(13)

عتاب بين زينب والعباس (ع)

يمن جانت المرجلة بيك تزهي وردك
أرد ارجب جفوفك على زندك وردك
انا زينب مخدرت حيدر وأريدك
تروعني نار ال امية

(14)

الامام علي زين العابدين (ع) مع ابيه

دلالي بيك لزم غير همال
ببحر من ذهب أوزنك مو هالمال
ياجفن جر من عيني أنهار همال
على الحسين كل صبح ومسية

(15)

الامام علي زين العابدين عندما اتى لدفن اباه الحسين

لوالدي من ضحت شمس سرت وضليت
وقعدت عند نحره انعيه وضليت
لعند قمر العشيرة رحت وضليت
جفوفه بيا كتر رمية

(16)

بين ام البنين والعقيلة (ع)

ام البنين (ع)

ياقلب اصرخ على ابن الزجي
راح وما بعد اضن يجي

العقيلة (ع)

ياعبرة اطلعي بحرقة على العباس
نوحي وحزني لأجل أبو النوماس

(17)

كأن زينب عندما دخلت اللى منزل الامام علي

يادار يالي جنتي بأهلج تهلين
ولحسين غديتي غره وتهلين
حقج من تجدي دموعج وتهلين
على الحسين مرمي على الوطية

(18)

بين زينب والشمر لعنه الله

ياشمر لا تطول إيدك وبسوطك وشمتني
احسب ضربت البتول بضلعي وشمتني
ياحادي لا تمر بينا علي زيد وشمتني
بلوعتي على إبن الزجية

(19)

بين زينب (ع) ويزيد لعنه الله

يا حادي الظعن تشتمني ورسول الله أمربينا
تصد أريدك بيا كتر علي مر بينا
أخبرك ياعلي الهضم والوعه مربينا
بليالي العسر بأرض الغاضرية

(20)

عتاب بين زينب وأهلها (ع)

عليكم يا خوتي ما بطل نوح وعبره
وكتلك ياحسين خله بالتاريخ والموعظة عبره
تعنيتلك بالطف بكل جسد أتعثر وعبره
وانحب عند نحرك يا إبن الزجية

(21)

بين الأنصار وزينب (ع)

يازينب لا تجزعين واحنا لأخوج أنصار
بعزم الله فياصلنا تلوذكم وأنصار
نفدي الروح ألف مرة وأنصار
على تقديم ارواحنا بسرية

(22)

عتاب بين زينب والعباس (ع)

أنت الي مضيت علي جفني وأنت قاسم
وأعلم لوما طفت شمسك للعدو أنت قاسم
تدري بالحسين من رحلت أنت وقاسم
إنحنى ظهره وأنصب عزية

(23)

بين زينب والرسول (ص)

يا جدي القوم عقب عيناك اشجيه
وعلى الرماية وإعلا التراب انحب واشجيه
يحادي الظعن جنودك اشجاه
ياخذونا سبايا لإبن سمية

(24)

عتاب زينب والحسين (ع)

بعدك ياخوي بالمعارة انا واطفالك ادري
وعليك أنحب واصب دموع تدري
عادت الميت أحد يعظم أجره
وأنا ابن سمية يعظم بيه

(25)

زين العابدين (ع)

ياتاج الفخر وشاف العلم جيناك
ابن رسول الأمة والحسين جناك
سبحان من كونك وصورك وجناك
جنك الكرار إذا اقبل عليه

(26)

زين العابدين (ع)

عليه من المهد حزن يعقوب وبلواه
ونشر السجاد بالسبي عبره بلواه
شلون بالظعن الشمر بالحبل يلويه
ويضربك بسياط المنيه

(27)

زين العابدين (ع)

يابو اليمة أرد اقبل روضتك وأمرها
وإمتثل لحكمك وأمره
ياهو الصبر على يزيد ومره
وتنضرب روحه بسياط المنيه

(28)

زينب (ع)

مل صبر يعقوب لجزعج ونطراج
مدامع تهمل دم حين نطراج
قسمنه لسيل دمعج نطرلج
هاماتنه وأرواحنا سوية

(29)

بين زينب والحسين (ع)

عفتك ياحسين غصب لا تلمني
وضيقتي عليك قطعت قلبي لا تلمني
تمنيت اكتفى الشمر من خدري لا تلمني
حجابي الجان تلبسه الزجية

(30)

الامام الحسن (ع)

يمن جان رسول الله تقبيله من شفاه
وتراب قبرك لشيعتك من شفاه
مالوم خيك لنوحه من نظر نعشك وشافه
يرامونه بسهام آل امية

(31)

زينب (ع)

أنا بنت عوده وابوك بالجمل هابه
ونزلته للميدان تعرفها هابه
شلون تنشد جهل عن حسبي وهابيه
معالم الوفى والشرف والحمية

(32)

أربعينك أقبل وحرت شكتلبك وأنشر
عنك أنا وابوذيتي نتفاكر وأنشر
لجلك بدمع عيني وأنشر
قلوب عداك المابيها غيره

(33)
العباس (ع)

يمن كان حزام علي بحملاته ينشد
وبجولاته يثني لأبوه وينشد
ياعباس شلون حبل بيدي ينشد
ويطوفون بيا بقصر إبن سمية

(34)

بأربعينك انطيك من أشعاري خلاصة
وأكتب بحزن ونوح بخلاص
ولشيعتك أنظم العبره وخلاصة
بدمعة على جفونهم جريه

(35)

أرد أصيح بأبو الجربة وانده
على الما صارله شبيه ونده
من طاح عن جواده الكون نادى
سقط سبع الغاضريه

(36)

أثمر الكرار وللطف مغوار وسدها
خلا الوصف شجاعة مقياس وهو سدها
وعين الكفر بالحومة سدها
وقدم حملات علي بجفينه

(37)

آه يا دهري ما بقالي اخو ولا والي
وعليكم يالجواد أصيح ويلي
الكم بقلوب المحبين مأتم وإلي
اندب كل صباح وكل مسية

(38)

همني بضلالة الدهر وبيه وعينا
ونطلب بيوم الحشر شفاعة ويعينا
نذر ما نترك مصابك ابد وعيونا
نقدمها لجلك هدية

(39)

زوارك احنا نتعنى بلاهم
وبدينا نلطم صدورنا وبألهام
علينا العدى رامونا بلاهم
وراحت اطفالنا بسببهم ضحية

(40)

الدهر علي رفع سيفه وحداي
وبعدك لا حلا العمر وحدي
يا دعبل اقصد لرسول الله وحدي
وخبره بالحسين عفته رمية

(41)

بآل النبي (ص)

احنا الشيعة بأل النبي بدينا
ونلزم ولايتهم بالقلب وبدينا
ونعم من فخر نسل النبي وبدينا
ختم العالي بخير البرية