صوتوا للمصحفات
يابرلمان الؤسسات صوتوا للمصفحات = الشعب اكتفه خدمات بس عوزه دبابات
يا برلمان المؤسسات راجعوا الميزانية والحسابات =ما نحتاج سكن ولا دور تبنون بس نحتاج حاملات
لا تفكرون بالايتام والنساء الصارخات = فكروا شلون تجيبونا اف 16 طائرات
شوارعنا نظيفة ولا حفريات بيها ولا مطبات = نريد اجهزة مغشوشة لكشف المتفجرات
ما عوزنا وظائف ولا نحتاج مرتبات =بس نحتاج من امريكا كلاب بوليسية نابحات
تْركوا الاطباء والمهندسين والجامعات = واهتموا بايفاداتكم بكل الوزارات
ما نحتاج مشاريع ولا جسور ولا عمارات = الافضل بكل سفرة تصرفون الالاف الدولارات
زَودوا رواتبكم وزَودوا المصروفات = حتى تتساوى ويه المتقاعدين والارملات
مدارسنا ما تحتاج حاسوب ولا مختبرات = الاهم انتوا ترضون بالرواتب والامتيازات
يا برلمان المؤسسات نادى شعب النائبات = انتشرت الامراض بكل مدن العراق الصابرات
يا برلمان المؤسسات صوتوا بمليارات = واشتروا سيارات دفع رباعي بقوة المدرعات
يا برلمان كافي نفاق وكافي تعهدات = انعرفتوا اكثر من رفعتوا ايدكم للتافهات
ما هزكم دمعة يتيم ولا صرخة امهات = هم يجي يوم تموتون وتبقى لغيركم المصفحات

بقلمي / ابو الحق