تويت
الزهراء عليها السلام تندب الامام المهدي عج/ابو ايمان المجراوي
نادت يمه وينك صاحب الثار . عصروني ونبت بضلوعي بسمار
سطروني أعله خدي . چا وينك يمهدي * عصروني ونبت بضلوعي بسمار
******************
بدمعها ألزهره نادت يبني ياريت
چنت يمي وشفتهم داخل البيت
تمنيتك شفتني اشكثر عانيت
چم سطره يمهدي وسوط شگفيت
يالمهدي واشد ضربة جبيني * وأنظر عالارض طايح جنيني
بجمعهم وانه وحدي . چا وينك يمهدي * عصروني ونبت بضلوعي بسمار
*****************
تمنيتك شفت من حرگوا الباب
وشفت دمع الهمل من عيني سچاب
أنادي بصوت بويه شوف الأصحاب
علينه الدار حرگوها بلا أسباب
وانه بهل حاله محتاره بحشمتي * وعلى خدودي جرت من دم دمعتي
ما ضل حيلي عندي . چا وينك يمهدي * عصروني ونبت بضلوعي بسمار
*****************
سگط مني جنيني وعيني تربيه
وعلّي منعوا يمهدي حتى أغطيه
ذيچ أللحظه يبني لو تصد ليه
طفل مهشوم رأسه ودمّه يمليه
احاچيك وتصور هاي الأوضاع * إذا جدامي اشوفن طفلي عالگاع
يبني انمرد چبدي . چا وينك يمهدي * عصروني ونبت بضلوعي بسمار
*****************
من حين انتقل للباري ياسين
حرب علنوها ضدنه المو مسلمين
بالجور الهجوم أعلينه ناوين
ومن يوم السقيفة ذبحوا حسين
رحل احمد وحاكوها المكيدة * نووا چتلي ومن بعدي الصميده
وغدرهم بيّه يبدي . چا وينك يمهدي * عصروني ونبت بضلوعي بسمار
*****************
يبني أليومك اتنطّر واتاني
ومن جرحي وكسر ضلعي أعاني
أضل اصبر واعد انه بزماني
والى يوم الظهور احسب ثواني
اريدن تنسر عيوني بطلعتك * وتهل يم گبري يالمهدي دمعتك
يعم الخير ودي . چا وينك يمهدي * عصروني ونبت بضلوعي بسمار