تويت
أماه يا زهراء * زهراء يا أماه
***************
من ذاك اليوم الساعتنه . ما تقبل تبرد جمرتنه
وبدم فوگ الخد دمعتنه . ما نگدر يومچ ننساه
**************
بمصابچ صاحبنه ألعبره . وبكل مهجه أتعيش ألجمره
يا مصعب يومچ يل زهره . لليوم أنعيش احنه آوياه
***************
يا بنت الهادي المظلومة . كل روح الجرحچ مالومه
مو ضلع أضلوع المهشومه . والضلعچ نصرخ ويلاه
***************
ضلعچ يم حسين وكسره . مكسور الخاطر من أثره
بينه جروح أتعيش بكثرة . عشناها أنون آه واه
***************
محزونين وتسعر بينه . نيران امصابچ تدرينه
يل زهره من الهم ونينة . ودموع الخد روّيناه
***************
بسهامه البين امصوبنه . وجروحه أتعن وتعذبنه
ما نضعف لا يشهد ربنه . والموت بحبكم نهواه
***************
نقسم بحسين وبمصابه . بينه أتضل نارچ لهابه
نتحدى الظالم منهابه . كل جيل احنه تحديناه
***************
