تويت
الكامل في نكات الدليم
دليمي قرة بالجريده إنه بالصين كل دقيقه ينولد طفل.. گال: هذا التطور، خو مو مثلنه كل 9 أشهر.
سألوا دليمي: انته اتدخن ؟ گلهم: والله من امشي ما اباوع ورايه.
دليمي گل لقاسم أبو الگص: فد نفر گص...قاسم گلله: سفري لو بالصاله؟ كلله: سويه مشكل.
دليمي راح للحج، مطرت... خابر اهله گللهم: غطوا الاسمنت .
دليمي تزوج حضريه.. الصبح گللتله: صباح الخير حبيبي..
گال : الله ينعل ابو الانگليزي.
دليم ثنين بنقطة تفتيش گالولهم: هوياتكم أخوان.. واحد مد أيده.. اللاخ گله: والله بالحرام متمد أيدك.
دليمي زعل على مرته.. إجت ترضيه.. گالتله: أسويلك مساج؟.. گال: لا متعشي بره.
دليمي معزوم بعيد ميلاد من خلصت الحفله گللهم: ياجماعه عود باجر عيد الميلاد عليّه.
دليمي يعزي ناس.. شلون مات المرحوم؟ گالوله بحادث سياره.. گال شنو أثول؟ ميشوف؟
دليمي أهدت له صاحبته ببغاء.. وره فتره خابرته وسألته: شلونه الببغاء؟.. گللهه:عادي مثل طعم الدجاج.
دليمي اشتره لمرته علبة كريم مغذي بشره.. گعد الصبح لگاهه تريگ بيها الجهال .
دليمي گالوله شنو أصعب موقف بحياتك؟.. گال من ازين لحيتي وأني أعلچ
دليمي گال لأبوه: بويه أريد (كيري).. گال له أبوه: والله ماتاخذ غير بت عمك.. گال له: بويه كيري جبنه.. گال أبوه: وبت عمك گيمر يبويه
دليمي گال له أبنه: بويه إجازة السوق مالتي سقطت.. قال له أبوه:طبعاً.. من كثر دياحتك بالشوارع.
دليمي أشتره مرايه وتباوع لروحه بيهه گال ياسبحان الله هالوجه موغريب عليه...وين شايفه؟؟ وره شويه أخذله صفنه گال:أها.... يم الحلاق..
دليمي عنده ضرس مأذيه حيل راح لطبيب الاسنان گال له أريدك تشلعلي كل سنوني وتخليه هذا بوحده مثل الجلب.
دليميه قرت بجواز رجلهه مكتوب (رجل اعمال) گالت سواهه الكلب واتزوج عليه.
دليمي گال لجماعته: والله خدمات الحج بالسعوديه حيل محترمه وأنصحكم من تريدون تحجّون لا تروحون غير للسعوديه.
دليمي يطوف بالكعبه سمع الاذان سأل اللي يمّه گاله: بروح أبوك ماكو جامع قريب هنا؟
دليمي راد يتعرف عله بنيّه گاللهه:شسمچ؟ گالت:أسماء.. گال: أها..يعني مو إسم محدد؟
طالب دليمي سأله المعلم:من هو النبي الذي كان يكلم الحيوانات؟ گال: سيدنا طرزان عليه السلام. .
دليمي گال له أبوه روح إغسل وجهك راح يجونه خطار..گال وبلكي ما إجوا؟
دليمي گال لصاحبي :بالله شوف ألاشاره مال السياره تشتغل؟ فگال له صاحبه:إي .. لا.. إي.. لا.. إي.. لا
دليمي راح يحج شاف الناس تشمر حجار گال: أيّباااااااه ....... لهنا وصلت إسرائيل؟
ثنين دليم يلعبون شطرنج.. الاول گال:هييييه.. كتلتك الحصان.. الثاني طلع شويه ورجع گال: وأني سممتلك الهوايش كلهن.
دليمي راح للدكتور گال: دكتور.. انا كل مكان بجسمي أگيسه يعورني..كشف عليه الدكتور لگه اصبعه مكسور
دليم تلاثه أخذوا مقـاولة مد الكيبل الضوئي من بغداد للرمادي وقسموا العمل بيناتهم واحد يحفر وواحد يمد الكيبل والثالث يدفن..
غاب اللي عليه شغلة مد الكيبل.. الجماعه إستمروا واحد يحفر وواحد يدفن.
دليمي طلع من السينما... گالوله: شلونه الفلم؟ گال: ليش هوه آني لحگت أسلم عالگاعدين حتى أشوف الفلم؟
دليمي گل لصاحبه: سمعت بهذا اللي وگع من عمارة عاليه و3 أيام يالله وصل للگاع؟ گلله: ومات؟؟ گلله: شوف هذا الغبي يگللي مات..أگلله3 أيام لا أكل ولا شرب عجل شلون مايموت؟
دليمي گال لأبوه: يابه أريد أدرس برّه.. گال له: خللي أمك تفرشلك بالطرمة.
وحده مو راحة، گالت لواحد: بوسني.. گاللهه: لا دليمي.
دليمي قدم على وظيفه گالوله: شنو شهادتك گال: ابتدائية، وأعرف واحد يدرس بالصناعة.
دليمي قال لكردي اريد ابيع سيارتي التويوتا بسعر غالي شلون؟ قاله الكردي بسيطه شيل علامة تويوتا وحط علامة بي ام بعد اسبوع سأله الكردي : بعت سيارتك ؟ قال الدليمي: من كل عقلك انت ، اكو واحد يبيع سياره بي ام؟
مرة دليمي سجل اختة بمن سيربح المليون :حتى يشوفهة تتصل بيا صديق
تعليق