تويت
لمن جنت جاهل جنت كل يوم من الغبشة نطلع انا وجدي بالمشحوف..جدي يصيد سمج وجان ياخذني وياة وينطيني عوده موصيني من يصيد سمجة اني رأسن اضربها على راسهه حتى تفقد الوعي وما تتعذب هوايه وحتى ما تظل تلبط ومرات تكمز وتطفر بالشط ..هاي جانت مهمتي بعملية الصيد..اني جانت أحلى لعبه عندي لمن نطلع للصيد وياّ جدي أكعد بنهاية المشحوف ، ومن نصيد سمجة اراقب السمجة وهي تتعذب وتلبط وتختنك شويه شويه وبالاخير تموت رغم موصيني جدي اضربها بالعودة على راسها بس اني مااضربها لان جنت اتونس علىها وهي تلبط وتتعذب.. واشوف بعيني شلون السمجة ترافس وشويه شوية تخف حركتها وتتعب وتموت. جنت ارتاح نفسيا لمن اشوف هالمنظر ، وطبعا بلبيت نسكفها وناكلها..
ونفس السالفه اسويهه يوميه، اخلي السمج يتعذب واشوفة شلون يكمز ويتعب وشلون يموت واظل اضحك عليه ساعة.
المهم..فد يوم ، وآني نايم بالفراش ما احس لك إلا بشي يفك الباب ، جانت الدنيه ظلمه بس آني شفت ضوه يطب ، نقاط تضوي جنهه لايتات ولمعة قوية . ما كدرت احجي من الخوف. باوعت زين شفت كومه سمج يفتح الباب ويطب . سمج كومه ، هواااااااااااااااايه ما ينحسبن ، بيهن الاف يمكن . طب السمج يزحف للغرفة واني اباوع بعيوني وما اكدر احجي ، مثل الواحد اللي كامش لساني . النوب التم السمج عليّه من كل جهه ، من يم رجليه ومن يم اديه ومن يم صدري وحتى طلع لي من فوك راسي . بعدين باوعت شفت سمجة جبيرة صعدوهه ليفوك وجان بيدهه عوده. صاحت السمجة ـ يا معشر السمج، اليوم اجينه على سويم علمود الشغله اللي اتفقنه عليهه ، هذا الولد اللي يعذبنة كل يوم ويظل يتمضحك علينه ، ومثل ما قررنه بمجلس السمج الاعلى لازم نعاقبه ونتوّبه ..هل انتم موافقون ؟ صاح السمج ـ نعم ..نعم .
النوب أشرت السمجة بالعودة اللي بيدها وبدت العقوبه . اني ميت من الخوف ومذهول حييييييل شجاب السمج؟ شلون؟ وشنو جاي يصير..شيريدون مني؟متت من الخوف والرعب
وراها حسيت بشي لزج يلتف عليه مثل الكماط ، من رجليه لراسي ، النوب شدو جسمي بخيط أسود تطلع منه ريحة زفر ، شدوه حيل وسحلوني. الاف مؤلفة من السمج سحلوني عله كيف من الغرفه وطلعوني من الغرفة للحوش. جان السمج منظم يمشي مثل الجنود وأكو بيهن قسم كامشات طبول ويطبلن وقسم يغنن أغاني ما افتهمت منهه شي . وجانت السمجه ام العوده شايليهه على اجتافهن وتأشّر بالعودة مالتهه .
سحلوني بالبيت ، وجنت أشوف اهلي ولا الهم علاقه بيه ولا يمهم ، جنهم ما يشوفون أي شي ولا يعرفوني حتى جدي شفتة حسبالك يشوفني ويسوي نفسة ما يشوفني... النوب سحلوني وطلعنه من البيت جنت اباوع عله الناس ولا يمهم ، اللي يزرع واللي راكب عله حمار واللي كاعد عل النهر واللي يلعب ويه صاحبه دومنه . والسمج يسحلني من يمهم وهمه ما منتبهين .
النوب وصلنه للشط السمج يسحلني ويغني وآني ساكت ما اكدر احجي ولا أسوي اي شي .جنت أباوع وأكول ويه نفسي ـ شلون يسحلوني وليش؟ وشنو راح يسوون بيه؟
وكف السمج عالجرف ، وصعدو السمجة ام العوده وكالت ـ يا معشر السمج ، وصلنا ، ما بقه شي ، اريدكم تصيرون سباع وما تتهاونون . اليوم نراويه النبي عربي..هسا ارتاحوا شويه لان تعبتوا من ورا هذا وتأشر عليه ..السحل يتعب..
وراها اتغدوا ونامولهم ساعه وكامو على حيلهم...
ـ يا معشر السمج ، هذا سويم وهذاالشط . يلله ، شيلوة وذبوه بالشط وهو مشبك ومجتف علمود يضوكهه. يلله شيلوه ، خلوة يتزوهر ويلبط وبكمز ويختنك واحنا نعاين عليه ونضحك ...هي هاي عقوبته عله اللي سواه بينه
هسه شيلوة وذبوه ..آني لمن سمعت هالشكل انرعبت حيل . ردت اعيّط ما كدرت . النوب سحلوني شويه وشالوني ليفوك علمود يشمروني
اريد اعيط ، اريد ابجي ، ما اكدر ، بعدين رأسن اجتني العيطه ـ لاااااااااااااااا ه لاااااااااااااااااااااه دخيلكم ..لاااااااااااااااااااااه .ماريد اموووووووت هما و لا يمهم قسم سندوني من اليسار من الصفحة حتى يكلبوني ويشمروني بالشط!. وضل السمج يصيح ـ هيلا هب هلا هب ، الى ان كلبوني وشمروني بالشط. وانا بهاللحظات اتذكر شلون جنت اعذب بالسمج ...كل لحظات التعذيب مرت كدامي مثل الشريط...وشمروني بالشط والتم عليه السمج جوا كلهم يباوعون ويتمضحكون عليه وانا اكمز واختنكت اريد هوا ماكو وارافس واشمر برجلية واديه..بس ماكدر اسبح ولا اكدر اطلع راسي من المي حتى اتنفس اتوسل بالسمج وهما ولا يمهم يتمضحكون عليه ويستهزئون كل انواع السمج التم الاف الاف السمج ويتفرج ومرتاحين حيل .. البني والزبيدي والكطان والزوري وسمج غير انواع مااعرفها .. واسمع يحجون بيناتهم
حيل بيه...يستاهل..اي ..خلوة يتعذب خلي يضوكها ...
وانا اختنكت حيل وتعبت وصرت مااشوف ودخت ..بديت اموت شويه شويه..وصيحت حيييييييييييل لالالالالالالالالالالالالالالالالالالا ..
وما احسلك ألا كفخة على راسي..صحتني ...
باوعت لكيتها
أمي تكللي ـ سام ..سام ..أسم الله يمة اسم الله ..شبيك ترافس وتحجي ويا روحك وتشمر بأديك وتصيح ..
ثاريني نايم....
أيباخ شلون كابوس...
كابوس ما صحيت منه الا بضربة قوية على راسي!!
الله يرحمك يا جدي.
من قصص سام الشرير
ونفس السالفه اسويهه يوميه، اخلي السمج يتعذب واشوفة شلون يكمز ويتعب وشلون يموت واظل اضحك عليه ساعة.
المهم..فد يوم ، وآني نايم بالفراش ما احس لك إلا بشي يفك الباب ، جانت الدنيه ظلمه بس آني شفت ضوه يطب ، نقاط تضوي جنهه لايتات ولمعة قوية . ما كدرت احجي من الخوف. باوعت زين شفت كومه سمج يفتح الباب ويطب . سمج كومه ، هواااااااااااااااايه ما ينحسبن ، بيهن الاف يمكن . طب السمج يزحف للغرفة واني اباوع بعيوني وما اكدر احجي ، مثل الواحد اللي كامش لساني . النوب التم السمج عليّه من كل جهه ، من يم رجليه ومن يم اديه ومن يم صدري وحتى طلع لي من فوك راسي . بعدين باوعت شفت سمجة جبيرة صعدوهه ليفوك وجان بيدهه عوده. صاحت السمجة ـ يا معشر السمج، اليوم اجينه على سويم علمود الشغله اللي اتفقنه عليهه ، هذا الولد اللي يعذبنة كل يوم ويظل يتمضحك علينه ، ومثل ما قررنه بمجلس السمج الاعلى لازم نعاقبه ونتوّبه ..هل انتم موافقون ؟ صاح السمج ـ نعم ..نعم .
النوب أشرت السمجة بالعودة اللي بيدها وبدت العقوبه . اني ميت من الخوف ومذهول حييييييل شجاب السمج؟ شلون؟ وشنو جاي يصير..شيريدون مني؟متت من الخوف والرعب
وراها حسيت بشي لزج يلتف عليه مثل الكماط ، من رجليه لراسي ، النوب شدو جسمي بخيط أسود تطلع منه ريحة زفر ، شدوه حيل وسحلوني. الاف مؤلفة من السمج سحلوني عله كيف من الغرفه وطلعوني من الغرفة للحوش. جان السمج منظم يمشي مثل الجنود وأكو بيهن قسم كامشات طبول ويطبلن وقسم يغنن أغاني ما افتهمت منهه شي . وجانت السمجه ام العوده شايليهه على اجتافهن وتأشّر بالعودة مالتهه .
سحلوني بالبيت ، وجنت أشوف اهلي ولا الهم علاقه بيه ولا يمهم ، جنهم ما يشوفون أي شي ولا يعرفوني حتى جدي شفتة حسبالك يشوفني ويسوي نفسة ما يشوفني... النوب سحلوني وطلعنه من البيت جنت اباوع عله الناس ولا يمهم ، اللي يزرع واللي راكب عله حمار واللي كاعد عل النهر واللي يلعب ويه صاحبه دومنه . والسمج يسحلني من يمهم وهمه ما منتبهين .
النوب وصلنه للشط السمج يسحلني ويغني وآني ساكت ما اكدر احجي ولا أسوي اي شي .جنت أباوع وأكول ويه نفسي ـ شلون يسحلوني وليش؟ وشنو راح يسوون بيه؟
وكف السمج عالجرف ، وصعدو السمجة ام العوده وكالت ـ يا معشر السمج ، وصلنا ، ما بقه شي ، اريدكم تصيرون سباع وما تتهاونون . اليوم نراويه النبي عربي..هسا ارتاحوا شويه لان تعبتوا من ورا هذا وتأشر عليه ..السحل يتعب..
وراها اتغدوا ونامولهم ساعه وكامو على حيلهم...
ـ يا معشر السمج ، هذا سويم وهذاالشط . يلله ، شيلوة وذبوه بالشط وهو مشبك ومجتف علمود يضوكهه. يلله شيلوه ، خلوة يتزوهر ويلبط وبكمز ويختنك واحنا نعاين عليه ونضحك ...هي هاي عقوبته عله اللي سواه بينه
هسه شيلوة وذبوه ..آني لمن سمعت هالشكل انرعبت حيل . ردت اعيّط ما كدرت . النوب سحلوني شويه وشالوني ليفوك علمود يشمروني
اريد اعيط ، اريد ابجي ، ما اكدر ، بعدين رأسن اجتني العيطه ـ لاااااااااااااااا ه لاااااااااااااااااااااه دخيلكم ..لاااااااااااااااااااااه .ماريد اموووووووت هما و لا يمهم قسم سندوني من اليسار من الصفحة حتى يكلبوني ويشمروني بالشط!. وضل السمج يصيح ـ هيلا هب هلا هب ، الى ان كلبوني وشمروني بالشط. وانا بهاللحظات اتذكر شلون جنت اعذب بالسمج ...كل لحظات التعذيب مرت كدامي مثل الشريط...وشمروني بالشط والتم عليه السمج جوا كلهم يباوعون ويتمضحكون عليه وانا اكمز واختنكت اريد هوا ماكو وارافس واشمر برجلية واديه..بس ماكدر اسبح ولا اكدر اطلع راسي من المي حتى اتنفس اتوسل بالسمج وهما ولا يمهم يتمضحكون عليه ويستهزئون كل انواع السمج التم الاف الاف السمج ويتفرج ومرتاحين حيل .. البني والزبيدي والكطان والزوري وسمج غير انواع مااعرفها .. واسمع يحجون بيناتهم
حيل بيه...يستاهل..اي ..خلوة يتعذب خلي يضوكها ...
وانا اختنكت حيل وتعبت وصرت مااشوف ودخت ..بديت اموت شويه شويه..وصيحت حيييييييييييل لالالالالالالالالالالالالالالالالالالا ..
وما احسلك ألا كفخة على راسي..صحتني ...
باوعت لكيتها
أمي تكللي ـ سام ..سام ..أسم الله يمة اسم الله ..شبيك ترافس وتحجي ويا روحك وتشمر بأديك وتصيح ..
ثاريني نايم....
أيباخ شلون كابوس...
كابوس ما صحيت منه الا بضربة قوية على راسي!!
الله يرحمك يا جدي.
من قصص سام الشرير
تعليق