تويت
يليث الكوفه يا سيد *** علينه ناطــرين ترد
مثـــل عباس *** يبو النوماس
تصرخ كلا للشيطان
****************
ما ظل خيط بيه تــــــــروف شگ گلبي *** ولا ظل غيــــــر الدمع سلوه لخـدودي
مثل زينب صفـــــــت بغــــداد دم تبچي *** كفيلي انته واريـــــــدك تكســـر قيودي
وطـــن فرهــــود كلها محـــزمه تبوگه *** يتـــــامة بيت طــــه مســـلبه حـــدودي
عطشت وما شفت واحد ركض صوبي *** شلت چفــــي ودعيتك ينتــــرس جودي
گمر ال الصدر وينك *** تعــــاين زينب بعينك
يمته تعـــود *** تشيل الجود
تصرخ كلا للشيطان
****************
يزيد لكل وكت وحســـين دم ينـــــزف *** تدور الدنيه ما تـــوگف تظــل تفــــتر
عراقك كـــربله وعاشـــــــور كل ليله *** رؤوس مگطــــعه ودم ينزف المنحـر
الف عـابس تعرى وفــــرفحت روحه *** والف جــــون انخطف ما يملك الدفتر
شسولف والحجي يغصص يبو مؤمل *** شمــــر ما تـــاب والطف دومه يتفجر
عراق الطفله شيبها *** يحني بدم گــصايبها
عليك حسين *** ينور العـــين
تصرخ كلا للشيطان
****************
اعاينلك لحـــيتك غيمـــه تمطــر دم *** واسمع بالجمع صــوتك يظل يرعـد
لان تــدري بمنيتك للچفـــــن لابس *** واگف مســـــــتعد للموت ما تگـــعد
كسرت قيود خوفي وحررت روحي *** اقـــــــرب من وريدي ولا تظن تبعد
ابد منگـــــــــول ميت يا صدر عنك *** اول حي نحســــــــبك لو نريــد انعد
حقيقه ومو وصف شاعر *** مـــــا ميت تظل حـــــاضر
واحنه جنود *** وانته تقـــود
تصرخ كلا للشيطان
****************
قســم بالتين والزيتون ما ننسـه *** صــرخة لا علو صـــوتك ترددها
مشـانق نشــتري ونبيع ما نملك *** بنين ومـــــال نفـــديلك يســـيدها
تراها الروح من صوبين بفراگك *** يتيمه الجمع هامها وانته والدها
نعــــــاني ونحتضر وياك ونعالج *** يدفـــــان الدفـــــنته وياه وسدها
محمد صادق تريدك *** تمــنت لو تحب ايدك
احلفك بيك *** وبطـــاريك
تصرخ كلا للشيطان
****************
علي وحســــين والعباس وارثهـم *** علومك والشهاده والوفه اطـباعك
سفينة نوح ينجى اللي ركـب بيها *** ما يغـرگ لان حيـدر علي شـراعك
سمعت الله اكبر مـن حلگ جرحك *** يصـيح الدم منــاره ومئذنه ذراعك
محمد يا صـــــدر يا صادق الكلمه *** ياســـــــيد يهنيــــــاله الذي طـاعك
ورب الكعبه ما يخسر *** لان كل منهجــك حيدر
ذي الفقــار *** علي الكرار
تصرخ كلا للشيطان
*****************