تويت
للعليله عليها السلام .... ابو ايمان
ليت الاحبهم . اسمع خبرهم
لا راسلوني . ولا جاوبوني
ليت الاحبهم
****************
مشتاگه وطفيف الشوگ غطه أضفاف وجداني
غمرني الشوفت أحبابي وعله الآهات وداني
بحر صار الغرام وبيه طحت والموت عنواني
هايج غرامي . لأهلي ومرامي
وآمل يجوني . ولا جاوبوني
ليت الاحبهم
****************
تشب وتنطفي روحي بلهيب افراگ ابو الأكبر
هلي وكل لحظه اذكرهم وأحسّن بالعشگ يكبر
من حين المشوا للحين جمرات الفگد تسعر
ادعي يا ربي . ولاچمني گلبي
وتصب عيوني . ولا جاوبوني
ليت الاحبهم
****************
حسبات النهار اگظيه ودموع الحزن تجري
وأحس ألحسره ميت آه من تطلع تشگ صدري
عليلة وحارباني البين ما حسّب صغر عمري
منهم حرمني . ما راعه سني
والفارگوني . ولا جاوبوني
ليت الاحبهم
****************
من حين اليجن الليل يرميني الزمان إسهام
إلى حين الفجر وانه أشگف والگلب محتام
وملاوع اخلص الليل جفني لا غفه ولا نام
ليلي ألسهرته . يبچيلي شفته
ذابت جفوني . ولا جاوبوني
ليت الاحبهم
****************
مشوا لا جن فلا ماشين بعدهم كلهم أببالي
واحد واحد اذكرهم گومي وشنسه يا غالي
بعدها أرسومهم بالعين ينبض بيها دلالي
اذكر صورهم . مدمع جره الهم
من ودعوني . ولا جاوبوني
ليت الاحبهم
****************
اصفن والفؤاد أيهيم وادخل عالم ألذكره
أراجع ذاكرة الأحداث وتصاحبني ألعبره
اشوفن بسمتي الجانت على شفتيني منتشره
للماضي ارجع . ما اكدر اهجع
ما ضن نسوني . ولا جاوبوني
ليت الاحبهم
****************
07801138315
07711208819