أريدك نادته ألكلفه . أريدك وانته إلك وكفه
يبو ألغيره يكافلها . أعرفك حين تدخلها
عله أيدك جيشهم حتفه . عله أيدك جيشهم حتفه
***************
لونها ألحومه يگرب منها عباس
تموج بكل أهلها وتفزع الناس
بطل وشلون أقيسه وماله مقياس
شهم وبچفه سيفه شلون ينقاس
مناضل راية لازمها . جحافل حين يگحمها
يشگها بسيفه ويشلها . أعرفك حين تدخلها
على أيدك جيشهم حتفه . على أيدك جيشهم حتفه
***********************
غضب يتفجر بعينه ابو الكلفات
ونذيرا لموت من سيفه يصيح أصوات
نعم بس ذكره نكّس بالخصم رايات
وألما لاحه سيفه بعينه صد له ومات
دحرهم من ومض سيفه . وصّلهم سوّه البكيفه
بمتاها الگوم دخّلها . أعرفك حين تدخلها
على أيدك جيشهم حتفه . على أيدك جيشهم حتفه
***********************
رسم بألطف خريطة وثبّت ألها حدود
وگال اليدنه خطوه ما يرد أردود
منع درب الشر يعه وبي كتب مسدود
وإذا مو ماي من دم گال أمللي الجود
مجازر بالمسنّايه . شهدها العلگمي ومايه
العجيد أبطال جندلها . أعرفك حين تدخلها
على أيدك جيشهم حتفه . على أيدك جيشهم حتفه
***********************
عميد ألحومه من طب واللوء بيمناه
ظلام انگلبت ألدنيه بعيون أعداه
تقدم والأجل لخصومه طب آوياه
وميت وانگع رأسه ألدنه ولاگاه
حصرها وسيطر أعليها .. وگلب عالعالي واطيها
خسائر كثره كبّلها . أعرفك حين تدخلها
على أيدك جيشهم حتفه . على أيدك جيشهم حتفه
***********************
رفع راية محمد والخصوم أشهود
وگال بصاية الله اليوم أمّلّي الجود
وحگ حيدر مدام بساعداي الزود
قسمت انه ألجمعكم ما يرد أردود
حواها ألحومه بيمينه .. وحرگهم من لهب عيني
زلم بالگاع جطّلها . أعرفك حين تدخلها
على أيدك جيشهم حتفه . على أيدك جيشهم حتفه
***********************
خطب لا ارهب الموت ابو فاضل گال
وبدده أيفر برحاها وجندل الأبطال
غدت مثل الجراد المنتثر من صال
وألطف مجزره الهم صار واقع حال
جعل من الجرف منبر .. ارتقاه وخاطب العسكر
خطب والدنيه زلزلها . أعرفك حين تدخلها
على أيدك جيشهم حتفه . على أيدك جيشهم حتفه
***********************
ابو ايمان المجراوي
07801138315
07711208819