تويت
حسين نهج الباري والحق المبين
وين مثلك كلي نلكه ياحســـــــين
*************************
أنته قران ونزف في كربله
والسور دم الكفيل يمثله
والصحابه آيات دمهه محمله
وانته مناج ودرس للعارفين
************************
انته خامس نور من اهل الكساء
وانته ابن سيد البشر والانبياء
مطرت ادموم بمصابك هالسماء
والعرش لجلك يبو اليمه حزين
*************************
حزو النحر المقدس بالسيوف
ونزلت املاك السمه يمك تطوف
عين تنظر ليك عين اعله الجفوف
وزرعت بطف كربله نوح وحنين
********************************
داست اعليك بحوافرها الخيول
وكسرو ضلعك مثل زهره البتول
رادو تضيع الرساله لو تزول
وخابت اهداف وظنون الظالمين
********************
نقسم بدمك يقران الجليل
ونقسم بدم الصحابه والكفيل
نبقه نمشي بها لدرب لاما نميل
ونبقه خدام بشرف للطاهرين
***************************
نقسم بضلع البتول الطاهره
والعقيله اللي خذوهه ميسره
احنه ماهمنه نزفنه اللي جره
وماتخوفنه سيوف الناصبين
*************************
انته مصباح العقيده والهده
كلنه لجلك سيدي نصبح فده
وابد مانخشه النواصب والعده
بحبك وحب الكفيل محزمين
*********************