تويت
حب احمد وحب هله .. بالدنية ما أبدله
* * * * * * *
حب احمد وعترته .. كل گلب يهوى أمحبته
لگلوب لمن عرفته .. بيه هامت وعشگته
حبته هيه اوّ والته .. ونادته يا ميت هله
* * * *
حب احمد و اله كنز.. لحصوله فرصه ننتهز
حبهم فخر أصبح وعز .. وعليه كل ساعة نفز
حبّهم ألنه أصبح حرز .. كل مُحب كلبه شايّله
* * * *
حب احمد الهادي النبي .. مااظن غيره حب يلي
وحب حيدر الوالي علي .. نمتاز بيه ونعتلي
أتحبه كل ربعي وكل هلي .. وانه أبروحي منهله
* * * *
حب احمد واله الطهر .. بالدنية ألنه اكبر فخر
أبحبهم ربينه من الزغر .. وبيه عشنه أيام العمر
ولحبهم أبيوم الحشر .. كل الأملاك أتحيي اله
* * * *
حب احمد ألماله وصف .. كل گلب بيه حب ونشغف
حب احمد و اله شرف .. ناله الذي حبهم عرف
واللي لجلهم د م نزف .. ركبه ألمحمد حصّله
* * * *
حب احمد و حب هله .. بالدنية ما أبدله
_--- --- -- -- --- ---__
--------------------------------------------------------------
مبارك يا علي الكرار عيد ميلاد الرسول
مولد الهادي الأمين والد ألزهره البتول
*************
مبارك يا علي المقدام
مولد أكرم الإكرام
ألفرحه عمت بالأنام
وعمت إرجاء الإسلام
مولد النبي المختار والد ألزهره البتول
*****************
مبارك هالفرح هاليوم
وندعي الله ألنه يدوم
بمولده تضوي النجوم
وتبتعد كل الهموم
وتنكشف كل الإسرار والد ألزهره البتول
******************
مبارك هالفرح يا زين
مولد الهادي الأمين
فرحه وتكتحل كل عين
ونشرت الحب والحنين
وبالدنية تشع الأنوار والد ألزهره البتول
**************
__________________________________________________ _____
مبروك يا شيعة علي .. ميلاد ابو ألزهره النبي
هلت علينه أنواره .. كل شيعي ضوت داره
*******************
أجمل تهاني من القلب كلنا نزفها ألليله
لحيدر ابو ألحمله علي وبالمولد انهنيله
باقة ورد للمجتبى ويه الهوى انوديله
وحسين بالمولد فرح من القلب نهديله
وأمنه البتول الطاهرة .. هالفرحه ألها أمسخره
والخصم تلهب ناره .. كل شيعي ضوت داره
*******************
فر بينه يا طير السعد فوك النجم فر بينه
ودينه يم قبر النبي ولأرض الغري ودينه
خلينه نشعر بالسعد قرب الحسن خلينه
والكر بلاء الطاهرة ردنه القبر والينه
خلينه بالكافل نمر .. منذورة اله ألفرحه نذر
يحسبنه من زواره .. كل شيعي ضوت داره
*******************
مستعرة نار ألناصبي شيعة علي فرحانه
والواله حيدر مبتهج يملي الفرح وجدانه
ميلاد أبونه المصطفى هذا الفرح عنوانه
والدنية زهرة من نزل نور النبي وجانه
والكون أنواره زهت .. والفرحة بعيونه حلت
وتوضحن أسراره .. كل شيعي ضوت داره
*******************
حب الرسول أعله الملأ واجب علينه أنطيعه
وبكل محافلنه النبي اسمه الكريم أنذيعه
والهادي من بعده علي كال الله أبتشريعه
آمنه وال حيدر علن يا رب علنه ألبيعه
بالدم كتبنه بيعته .. وللموت نبقى شيعته
من عنده ما نتباره .. كل شيعي ضوت داره
*******************
بالذرعلينه من عرض رب العلا ولايتهم
بال نشئه بيهم آمنت ارو احنّه وتبعتهم
وبعالم الدنية النبي وصّانه بمحبتهم
والجنة صارت مكرمه الكلمن تبع سيرتهم
آمنه بالأربع عشر .. حبهم بلغ بينه وكبر
نبض القلب وأوتاره .. كل شيعي ضوت داره
*******************
----------------------------------------------------------------------------------------------