بسم الله الرحمن الرحيم



كيف للبنت ان تتجنب الكلام الغير لائق على الماسنجر ؟؟

لازم البنت من أول ما تحصل او تسمع كلمة مب زينة من الشاب او واحد تكلمه على الماسنجر لازم ، لازم ترد علية بقوة وتوقفه عند حده على طول ، وبعدين تسويله بلوك أو تلغيه لأن الواحد يوم يقولكم كلمة ماصخة وما يحصل رد يأدبه ويهين كرامته او يوقفه عند حده (مثل ما مس شرف البنت اللي يكلمها)، يتماد او يرجع يعيد الكلام او المواضيع المب زينة او الماصخة.


وعلى طول يتحول كلامه مع هذه البنت كلة كلام مثير او ماصخ وصعب انه يرد يتكلم معاها عدل او بحترمها مرة ثانية لأنها حصل تساهل في البداية من هذي البنت.

وقيسوا هذا الكلام على اشياء كثيرة مثلا لو واحد طالع مع وحدة ، أول شيء يعرض عليها الطلب غير لائق بطريقة خفيفة جداً او قال كلمة بسيطة ، يريد منها ان يفتح الباب للكلام او لفعل اشياء مب زينة معاها، وهو بهذا التصرف او بهذا الكلام البسيط يريد يجس نبض البنت وردة فعلها، واذا غضبت البنت عليه يتأسفلها وايد ويحاول يقنعها بأنة هذي مصخرة وزلة لسان, وبعدين يغير او يطلب منها تغير الموضوع. واذا مشت معاه بالكلام بيزيد كلامه وطلباته للاشياء المب زينه لين ما يوصل معاها للـي يبيه

وأحسن طريقة للرد على الشباب:

يوم يطلب منك طلب مب زين! قولي له ترضى على اختك تسوي هذا الشيء اللي انت تبغيه، أو ترضى ان أحد يقول لأختك هذا الكلام، وأْْي شيء يقولك اياه مب زين وعيدي عليه نفس الكلام. بس في بعض الشباب خبثا ويحاولون يردون ويقولون نعم ارضى ان اختي اتكلم واحد بس اذا كان مثلي (يعني يريد يضرب عصفورين بحجر اول شيء يسكت البنت ويرد عليها وثاني شيء يبين لها بان هو الشريف والصادق وما في مثله) فانتي اذا رد عليك بهذا الرد جوليله بعرف اختك على اخوي او واحد اعرفه زين وولد مدين وممتاز واريد اعرفه على اختك موافق؟ هني بيتوهج يمكن يجولك انا شو يضمن لي ان يكون ولد زين مثلي قولي له وانا شو يضمنلي ان تكون زين وصادج