بسم الله الرحمن الرحيم
اللهك صلي على محمد وال محمد
قصيده الى يتيمة مسلم بن عقيل ع
==============================
حميده لاتفجعوها ببوها لا تخبروها
زغيره وما تعرف النــوح
كلبها على الابو مجروح
=================================
مسلم من رحل وتوطن الغـــــربه
جـــانتله وصيه وسمع الطلـــــبه
طفله عايشه ابروحه اوسط كلبه
يغمرها ابحنانه ورافته اوحبـــه
طفله بيه متعلكه وماتتحمل الحركه
حميده ســاكنه بالــروح
وكلبها على الابو مجروح
==================================
حميده معززت مسلــــم مثــل نسمه
ومثل عطر الزهور الزاكي الانشمه
ا منها السفيـــر ابايـــد ابو اليمـــه
ورحل عنها ابمهمه وعاشت ابهمه
تنوح ابحسره مخفيه عليهاطاول الجيه
وللكوفــه الطرف مشبوح
وكلبها على الابومجروح
================================
ا طفال الهواشم تنضـــــر عليــــها
كـــل طفله تنام ابحضــــــن واليها
اوهيه يا والي بحضنــــــه يخليــها
وينشدها على همهااوينشد شبيها
لاجن حضن ابو الاكبر حتضنها وللفجر يسهر
حضنــــه اوكلبــه مفتوح
وكلبها على الابومجروح
==================================
الحميــــــده ينضر المضلوم حالتها
متكنراه وحيده واسط خيمـــــتها
وتمسح بالهموم اسيول دمعتـــها
تكطع كلب ابو السجاد عبرتـــها
كصد ليها يسليها ويكلها اشياذيها
منبـــع للحنان ايفــــوح
كلبها على الابو مجروح
================================
تسائله والسئال ايهيج الامـــــــه
سفر عودي يعمي طالت ايامـــه
اعذرني يعمي العودي معتامــه
اخاف من الزمان اتصوبه اسهامه
وعشيره مااله اتعينه لو غدراو يوالينه
اذا جــان النشد مسموح
كلبها على الابو مجروح
================================
شيجاوبها ابو السجاد ضل محتار
وعن مسلم اجات لبن الرسول اخبار
نار ابكلب ابو اليمه اوتزيد النـــار
يكلها على المصيبه لو يضم الصار
جرا دمعاته على خدين وعرفت من دموع حسين
ابوهـــا بالــوغه مذبوح
كلبها على الابومجروح
================================================== ======
كتبت هذه القصيده في ايام محرم الماضي ومتزج دمعي مع حبر قلمي
احمد عبد علي