تويت
مو بدينه رافضه .. مو بدينه
يسري بينه حب علي .. يسري بينه
والهوية .. امن الزچيه .. شيعه خُدام الحُسين
***********************************
هدمت أعروش ألضلاله چلمه صاحت يا علي
وظلت الكل جيل تمتد من زمنها الأزلي
حُبه جمره أتعيش بينه واتخذناه الولي
والخصم گالوا الرابع علي گلنه الأولي
والرواية بالسند .. والرواية
حيدر آية الكل زمن .. حيدر آية
وليتبعه .. صافي نبعه .. ويتبع الحق المُبين
والهوية .. امن الزچيه .. شيعه خُدام الحُسين
***********************************
من نزل ادم نزلنه بعده بأصلاب الرجال
وبرحم طاهر نمينه ونطفه مصدرها الحلال
طفنه چم عالم بعالم بينه حيدر لا يزال
ننذبح لو نبره منه ساوموا صحنه مُحال
بآ يعينه المرتضى .. بآ يعينه
بآ يعينه المرتضى .. بآ يعينه
تعمه عينه ألما رضا .. تعمه عينه
الله ربنه .. وانتخبنه .. علي أمير المؤمنين
والهوية .. امن الزچيه .. شيعه خُدام الحُسين
***********************************
كثره وضّاعين زرعوا بالنهج زور وكذب
دلّسوا بيه چم رواية ضنهم أنغض ما نحب
واحنه فتشنه ولگينه حق علي وما ينحجب
أصفه من الذهب نهجه وأحلى من ماي العذب
نجمه عالي حيدره .. نجمه عالي
دومه غالي بالگلب .. دومه غالي
والسفينة .. التسري بينه .. الشاطي البر الأمين
والهوية .. امن الزچيه .. شيعه خُدام الحُسين
***********************************
الفاطمه ألزهره عهدنه بالدماء وما نحيد
وبطريق حسين شُعله صرنه نحرگ كل يزيد
من عرفنه بدربه نمضي لازم بنزف الوريد
وما خضعنه ولا رجعنه والعدد أصبح يزيد
من مشينه الكربله .. من مشينه
قررينه ننذبح .. قررينه
شلنه رآيه .. وبالنهاية .. للشهادة سائرين
والهوية .. امن الزچيه .. شيعه خُدام الحُسين
***********************************
المُعتقد واحد لچنهم حرّفوه أهل البتر
وبعذر مو شرعي رادو نخضع الذل وكفر
حاولوا بأسم التقية عمّة الشر والغدر
ويه عدوان الله نبني وحده والحق يندثر
طائفيه منين اجت .. طائفيه
يا رزية إلي لفت .. يا رزية
چف خيانة .. بكل أهانه .. نشبك آوياها الادين
والهوية .. امن الزچيه .. شيعه خُدام الحُسين
***********************************
من شذا المعصوم اروي تلگه بالكافي السند
كافر الي يحبله كافر واعتقد واضع بعد
وين سلمٌ وين حربٌ وين صار المُعتقد
حررفوها أهل العمايم أية الواحد احد
سم نبينه والضلع .. سم نبينه
دم علينه والذبح .. دم علينه
كله ننسه .. يعني هسه .. حتى نرضي الناصبين
والهوية .. امن الزچيه .. شيعه خُدام الحُسين
***********************************
الخادم أبو إيمان المجراوي
07711208819
07801138315
07400661459