تويت
مو ذنبي إذا وحدك هويتك . لان وسط الگلب ساكن لگيتك
اخذ من عندي كل شي ... اخذ عيني ويرمشي
أخذها الروح وعليها ابني بيتك . أخذها الروح وعليها ابني بيتك
*****************
من حين العرفتك والتگيت آوياك . عليك الروح هامت والگلب حبّاك
بصراحة يا حبيبي من يمر طرواك . أهيم بعالم الحب أي وحگ عيناك
انه المتولع أوانته غرامي . وانه البل صحوه أشوفك وبمنامي
إلك كل لحضه اشتاگ ... يا منية العشاگ
وأصيح أهواك وبكل شي فديتك . أخذها الروح وعليها ابني بيتك
****************
صرت كل لحضه أشوفك في خيالي . وإذا سألوني اگولن على بالي
ولا مره نسيتك ما أغالي . لان ما عندي غيرك كل شي غالي
إلك فايض حنيني بنص دليلي . عليّه اسأل نهاري وسهر ليلي
عاشرت السهر بيك ... يلّي أبعمري أفديك
گبل لا تذكر اسمي صحت اجيتك . أخذها الروح وعليها ابني بيتك
****************
حبيبي وكل حبيب أيريد الوصال . وإذا فارگ حبيبه أيعيش اشد حال
وانه يمي حبيبي ودمعي همال . اخافن فرگتك يا مأخذ البال
عليك الله وأحلفك بالزچيه . أريدك يا حُسين أتصد عليه
إذا حل يوم الحساب ... اريدن منك أجواب
منّ الخدام تحسبني نخيتك . أخذها الروح وعليها ابني بيتك
****************
رغم عني عشگتك مو بديه . لان ربك خلقلك جاذبيه
وبحين ألهويتك صرت إليه . فخر بين الملا واشرف هويه
اشيلن راسي وامشي وبهجة بالعين . يسموني الملا خادم الحسين
رفعني اسمك يمهيوب . يمن تسكن بالگلوب
لذا بعت العمر كله وشريتك . أخذها الروح وعليها ابني بيتك
****************
الخادم أبو إيمان المجراوي
07801138315
07711208819