تويت
انه زينب شيعتي والواجب أتفهموني *** ما هو ذل لمن جرت بألطف دموع أعيوني
هاذي رفعة رأس .. بلغوا كل الناس
*** *** ***
لا يصّوّرني شخص منكم ذليلة
حرمه مكسورة جنح ماعندي حيله
لا يعبر عني دربي اظلم سبيله
مثل المضيع هله وفاگد دليله
انه للكافل صرت بألطف بديله
من هلي أورثت العزم وكفلت عيله
عني لو شاعر كتب يتنبه ألكلماته *** يا رجل يتحمل ألشفته ويحكّم ذاته
يظهر المقياس .. بلغوا كل الناس
*** *** ***
لو شفت شاعر كتب عني قصيده
افتخر بيه وأدعي ربي أيبارك أيده
شيء وحيد الشاعر الممكن يفيده
عن قضيتي أيطالع ويتعب أريده
انه زينب بنت أبو الحملة الصميده
ما ظهرت ألذله للشام ويزيده
ما لنت رغم السبي يا شيعتي سمعوني *** والنواصب حاولوا نيتهم ايذلوني
خابوا الارجاس .. بلغوا كل الناس
*** *** ***
أرد أعاتبكم وأظن حگي أمنعاتب
بيّه لا ينطي اليحب يم النواصب
اقروا بكتابي زماني شنهو كاتب
ويتأمل كل شخص عظم المصايب
انه عندي بكر بله يا شيعه واجب
حتى من ضمنه دمع فگد الحبايب
من بچيت ومن نحت والطمت فوگ اجفوني *** راية للعزة شلت وأهل البغي ايشوفوني
مثّلت عباس .. بلغوا كل الناس
*** *** ***
يالشلت خدمة محمد واله راية
من مصادرنه اخذ عني الرواية
الله بكتابه أمر كل البراية
تنبذ الظالم وان حلّت منايه
وانه بألطف والسبي طبقت أيه
والكتُب عني روت وبلا نهاية
حتّم الأولى اصد مصرع هلي بعيوني *** واركب الهزّل قهر وواكب اليسبوني
واشهگ الأنفاس .. بلغوا كل الناس
*** *** ***
الديرة الذل والظلم لمن مشينه
من قوارير الحزن كلنه روينه
يا بلد ندخلها أهلها أتصد علينه
واحنه أيتام وحرم مشبوگه أدينه
حاشا رخّصنه النفس لو ساومينه
وبرغم جور النزل يا شيعه بينه
نستحي لمن نصد بوجوه إلي عادينه *** هاذي مو معناها ذل عالحشمه اتربينه
واحنه أهل إحساس .. بلغوا كل الناس
*** *** ***
يم ابن هند اللعينة من حضرنه
گتله كد كيدك ولا تمحي ذكرنه
أسعى سعيك يا بغي باقي أمرنه
حقبة ألحقبه ويضل عالي گدرنه
يا يزيد انته أخسرت واحنه انتصرنه
وما تدنّس يا لقيط أبداً خدرنه
نطفة الشر للقصر يا شيعه لمن جيته *** وجهه ما شاله وگدر ينطق وانه الذليته
ما هبت حراس .. بلغوا كل الناس
*** *** ***
شيعتي بالشام أضل كل هاي الآسنين
گبري ما بين النواصب شوكه بالعين
وينه هذا إلي كتب زينب ترحلين
يقرءا تاريخ آل آميه أصبحوا وين
حكمة الباري ابتعد عن الموالين
وانه بت حيدر علي خير المُلبين
بالگبر يا شيعتي ولا زالوا ايعادوني *** وانه أذلهم ما أذل زين انتم اتعرفوني
صبري ما ينقاس .. بلغوا كل الناس
*** *** ***
الخادم أبو إيمان المجراوي
07711208819
07801138315
07400661459
تعليق