لـَـجـِـل دين الله وكتـَــابه والنبوّه الخـَـاتمه
إبو اليمّه حسين ثار وسَوّه بالطف ملحمَه
حُسين حُسين
**************

لـَـجل لا ينمِـحي مَـعنــى الدين ويظـل بس اسِــم
وحتـّه إسمَـه ابيوم يصبَـح ماضي ويرِد الصَـنم
صــَــاح ابو السجاد لا للجـُـور والــذِل والظلـم
واعلَن الثوره ابصَلابه وخَـاض بَحر امن الدِمه
**************

حسين شَـاف الدين ينـزِف وابن هِـند اليـذبَـحَـه
بالفسـُــوق وبالــرَذايـل جِـهـَـــر والكِـل يمدَحـَـه
ولجل هذا گـال ارفضـَــه وأگِـص إيــد اتصَافِحه
وبرَفــِــض الحسـين فـَـزّت أمـّـه چـانت نايـِـمَه
**************

ونـَـفِـس گـُـوم الحَاربَـتّـه النبي ابـأوّل دَعوِتـَـه
حـَـاربـَـت الحسين بالطـَـف وبسِيـُـوف اتلـگـّـته
ايزيد ابو سفيان جدّه وأخـَـذ سَـالِـف سِــيرِته
السـَـبب واحِـد والعـَــــدَاوه دُوم ظلـّــت قـَــائمَه
**************

حسين گال ابعـَـالي صوتـَـه وبنـَـزِف نَحره كِتب
العقــيده اتريد ثـَـوره مُـو هِـتـَـافـَـات وخـُـطـَـب
ويالتِــريد الجنـّــه توصـَــل لازم اتدُوس اللهـَـب
وكل هـَـدَف گـِـدّامه حَاجِــز خـوف لازم تهدِمَـه
**************

صـَـرخة ابن الحِـيد صرخه دَوّت ابطـُـول الدهر
السـَـعاده الموت عندي ابعـِـزّه واصرار وفـَخـَـر
والحيـَــاة اويَـه الطغاة ابذِلـّـه مِـن مُـوتي أمـَــر
عاشت الصـَـرخه الشَـريفه وعشِت يابن فـاطمه

خادم اهل البيت // لقمان البدران