هذي نصيحــــــــــــــة للبنـــــــــــــــــات


1-في اول ليله زواج وريه العين الحمراء خليه يسكنك في افخم اوتيل واطلبي كل الاكل حتى

لو ما اكلتي بس نجاسه ولعانة من اول يوم خسريه طبعا بقولك انتي تامرين امر وهو وده يذبحك ...

واذا طلبتي الاكل وجابه لك قولي انا ما احب هذا ابي شيء ثاني يعني طلعي عينه على شان يطلع خرز ظهرك من لجموع ....

2-نصيحه لاتستحين ترى الحياء ما منه فايده بعدين يصير يستقوي عليج ..اذا قال كلمه ردي عليه بعشر.

3-الحين نجي للسفر اذا سافرتين اشتري هدايا لاهلك كلهم فردا فردا لاتنسين احد وقولي هذا طبع عندنا

خليه يعرف انك بنت عز .. (ولو انك فقرانه بس لازم تسوين كذا)..

4-خليه يجيب لك شغاله وسواق ولا تبينه يخليج تكرفين و تنفخين وتطبخين في هالبيت ؟؟ بعدين روحي للسوق

ودوري لين تقولين بس ..

5- فاتورة جوالك اذا كان عندك جوال سابقا حولي البريد عليه طولي بالك ووسعي صدرك كلمي كل اللي تبين
حتى لو اهلك اول شارطين عليك شروط انا الفاتوره ما تتعدى سعر معين انت ما عليك منه

خليه تصك الاف..(عشان تتصفقين) .. وربي ينتف راسك وادا ما كسر الجوال فوق راسك تعالي قابليني

6- تدلعي عليه وقولي انا ما اعرف اطبخ تبي تاكل خل الشغاله تسوي ولا جب من مطعم .

وتدرين وش اخرتها (بيتزوج الشغاله الله اعلم)

المهم !!!!!!

7-اعزمي صديقاتك واهلك عندك دائما ومدي لهم سفره من هنا لهناك وعلى حسابه ..
لاترحمينه ابدا ترى الدلع ما ينفع
8- خليه يفتح لك حساب في البنك ويحط مصروف شهري خاص فيك ما تصرفين الا على نفسك

المصروف لايقل عن 5000 ريال حتى لو كنتي موظفه ...وسعي صدرك الدنيا فانيه وانا اخوك ..

9- دائما الفي عليه كلام وقولي فلانه ماشاء الله على زوجها توه جايب لها ساعه الماس تجنن

وعلانه جايب لها طقم وانا بعد ابي مثلهم (قايل لك بتصفقين وتتلطمين بعد بس هذا حال الدنيا) ..

المهم !!!!!!!!!!!!

10- كل صيفيه خليه يسفرك قولي انا متعوده اسافر حتى لو ما قد طلعتي برا ديرتك ..

و ترى العود من اول ركزه وانا اخوك ..

11- لاتطيعينه شوري عليك وانا اخوك (ابوك يالنصيحه) .. ترى الرجال اذا شاف زوجته

بس تقول سم ولا تم يتضايق هم يحبون شويه اكشن ( حلوه اكشن ماني قايل بتتصفقين بتتصفقين بس الله يعينك )..

12-لاتخلينه يسهر برا البيت له يوم في الاسبوع فقط عشان تفتكين منه بعد ويستحسن

انه يكون يوم الخميس والسهر لين وحده بالليل بس

13-ازعلي وقبي عليه اذا ما نفذ لك طلب ودموع التماسيح الله الله فيها تراها تفيد احياناً..

14- لاتقعدين تمدحين وحده عنده بيصير يسالك عنها واذا قالك وشلون فلانه قولي موشغلك

وحطي اصابعك في عيونه تعرفين ما ينعطون وجه ..

(ملاحظه)

حطي النصائح حلقه في اذينك لاتبلشيني اذا تطلقتي وتقولين اناالسبب لا يا اختي شوفي انت وش مسويه ..
الخوافه ارجوها لاتقرب هالنصائح

علما ان مابيطول الزواج اكثر من شهرين وهذا دقني احلقه لو زاد عنه .......


انا مالي شغل عاد ..... بنات انا امزح هدا مجرد كلام مزح .... اللي بتسوي جديه مالي شغل فيها انا ....