إنته مَعقوله كفيلي .. اهناك مـگطوع الـچفوف
والله ما صَدّگ يغالي .. عيني هالمَنظر تِشُوف
گمت أتوَچّـه واطِيح
رِد علي ياخويه اصيح
إنته مَعقوله كفيلي .. اهناك مـگطوع الـچفوف
*******
إطلَعِت من الخيمه ادوّر .. وين حامي المشرعه
وين كافل خِدري وينه .. الوفي الطيّب مَرضعه
شلون يقبل وانه اخَيته .. وحدي اظل املوّعه
بصدري تتكسّر عَبرتي .. وجفني يهمِل مَدمعه
إرحَم گليبي الجريح .. رد علي ياخويه اصيح
*******
رحِت أتلفـّـت يغالي .. ولِيك دَلّاني الونين
گتلي يازينب يَخَيتي .. حاير وگلبي حزين
أرد اشوفـچ آنه مَـگدر .. الدهر ماخلّالي عين
اورِدت احضنِـچ يالعزيزه .. وحيف ماعندي إدين
ولو أشُوفـچ أستِريح .. رد علي ياخويه اصيح
*******
اسمَعت يالحرّه النِواعي .. وصُوتـچ السَمعي وصَل
بس اَلَم راسي خِذاني .. وماگِدَرت آنه اعتِدِل
حيل ماظل خيّه بيه .. وچنّي شايلّي جبل
وضربة العَامود تنزِف .. وگَرّبَت مني الأجل
وبسَهم نَحري ذبيح .. رد علي ياخويه اصيح
*******
گتله ياسَلوة زِماني .. يابو فاضل يالكفيل
اموَدّع بألله يَخويه .. الفرگـه ماإلهه بَديل
عَهد من عندي يغالي .. اكتَبتَه والمَدمع يسيل
بروحي أنصبلَك تَعازي .. ومأتم ابوَسط الدِليل
وبالـگلب أَبني ضَريح .. رد علي ياخويه اصيح
خادم أهل البيت // لقمان البدران[/size]