تويت
ماجة بهلها ألگاع .. من غار الأكبر
طب خطّة الميدان .. والتوى العسكر
ضل سيفه يگطع روس .. وأعله جثثها أيدوس .. من غار الأكبر
*** *** ***
بالغاضريه من برز شبل حسين . بهلاله لأنور
هالفارس اليشبه علي هذا امنين . والكل تحيّر
حمزة رجع عم النبي بهذا الحين . لو هذا جعفر
بيمينه سيفه أيلوح .. شبل الصميده
روحه النفل للموت .. شايلها بيده
من كل خطر محروس .. وأعله جثثها أيدوس .. من غار الأكبر
*** *** ***
مثل الجراد أبكل كتر گام أتطيح . گوم آل أميه
ضاگ المفر بيها وغدة صوت أتصيح . هاي ألمنيه
انتثرت وطارت جثث ويّه الريح . بالغا ضريه
مثل النمل والماي .. حين اللفاها
سيفه بحر والگوم .. بيه غرّگّاها
علگم سگاها بكوس .. وأعله جثثها أيدوس .. من غار الأكبر
*** *** ***
عن الأرض غابت شمس ذاك اليوم .. من شن حملته
غار ودخل وسط الجمع گام أيحوم .. راكب رحلته
ما خله رأس أعله الرگب ثابت دوم .. شاخص مُقلته
ليث وحمل والنار .. من عينه تلهب
سيفه حواها وصار .. برگبها يلعب
عنها الأمل محبوس .. وأعله جثثها أيدوس .. من غار الأكبر
*** *** ***
كل كره بيها الكر علي بالميدان .. صارت علامة
جندل صناديد الكفر والطغيان .. من سل حُسامه
من بين أيديه گامت تفر العدوان .. شبل الامامه
چم راية ذاك الحين .. نكّس لواها
بلحومه شبل حسين .. وبدم رواها
وشچم بطل منكوس .. وأعله جثثها أيدوس .. من غار الأكبر
*** *** ***
چن طير أبابيل اعتنت للبيداء .. تلقي الحجارة
وعسكر يزيد أتناثروا بالأرجاء .. دم ايتجاره
بالدم صبغ طف كربله والأشلاء .. تملي المعارة
قهقر جموع الجيش .. نسل الود يعه
صارت عصّف مأكول .. فوگ الوسيعه
زهگت بديه أنفوس .. وأعله جثثها أيدوس .. من غار الأكبر
*** *** ***
الخادم ابو ايمان المجراوي
07711208819
07801138315
07400661459
بالوغى اموذر يالمهدي . طايح الأكبر يالمهدي
**********
گوم يا شبل الصميده وسلّه بتارك
من طواغيت آل أميه گوم اخذ ثأرك
جارت أعوان السقيفة وهدّمت دارك
گوم وأطفيها يمهدي بطلعتك نارك
اطرد أهل الشر يالمهدي . طايح الأكبر يالمهدي
**********
حاطته أفلول ألعماله ومزقت جمسه
وانتثر بأرض المعارة من نزف دمه
چنه أبو ألزهره يمهدي بخلقه ورسمه
والنذالة أتدور حوله ولا عضد يمه
بالدمه أمعفر يالمهدي . طايح الأكبر يالمهدي
**********
من برز بين الكتايب چنه أبو ألحمله
صار بالحومة ينادي بالشرك وأهله
لوّح بسيفه ودحرهم ما ضعف وهلّه
نكّس اخشوم الفوارس والخصم ذلّه
يندب بحيدر يالمهدي . طايح الأكبر يالمهدي
**********
من اجل دينه يمهدي ضحى بسنينه
وأنطه للشفرات جسمه وما نطه دينه
من وگع صوب المُخيّم يربي أبعينه
هملت أدموعه وتذكر بالوغى حسينه
گلبه يتفطّر يالمهدي . طايح الأكبر يالمهدي
**********
يا سليل الطاهرين أخيول عدوانه
سحگة أضلوعه وتوذر وسط ميدانه
انهض الگومك يمهدي الصبر آذانه
وبعزم الله وجهودك نرفع ألوانه
وادحر المنكر يالمهدي . طايح الأكبر يالمهدي
**********
من علاماتك يغايب بالأرض لاحت
والطواغيت وحكمها ولّت وراحت
عايش الإرهاب بينه وچم نفس طاحت
وينك بكل جمعه ننطر شيعتك صاحت
يا وكت تظهر يالمهدي . طايح الأكبر يالمهدي
**********
الخادم ابو ايمان المجراوي
07711208819
07801138315
07400661459
علي الأكبر من حمل . وبكتايبهم دخل
صوبه عين أمه تصد . تندعي سالم يرد
***********
تربي والدمعة أبجفنها أم الأكبر للحرب
ابعد وما رد عليها الغالي وتصد للدرب
بيها نار أغيابه تسعر وبألم عاش الگلب
يا علي وينك تنادي والدمع من دم يصب
هاجت وبيها الحزن . ليله وبلوعة تون
بالثواني أبهم تعد . تندعي سالم يرد
***********
بيها نار الحيرة صارت تستعر بين الضلوع
هامت أبهمها وتنادي يبني يالغالي وتلوع
صابرة وتنطر قدومه وبدمه أتسيل الدموع
والإله الرحمة راحت تندعي بحسره وخشوع
صاحت أبجاه النبي . تنصر ابني مطلبي
عزمه بالحومة تشد . تندعي سالم يرد
***********
يا ألاهي بحرگه تندب هاذي منك طلبتي
يرجع أوليدي أبسلامه امن المعارة غايتي
بحالتي الصعبة أندبك وب أنيني ودمعتي
بغربة المظلوم أبو أليمه ألاهي وغربتي
سالم أيرد لي الولد . غيره ما عندي بعد
ظافر بگوم الحقد . تندعي سالم يرد
***********
طوّح الصدر المعا ره وروحي تأمل رجعته
ناظري يربي أعله طوله من يصول بصولته
خنجر بصدري النوايب لمن ابعد غرسته
كربلاء أم الفواجع عني ابني بعدته
شابح أعليه النظر . والگلب طگ وانفطر
يا علي الأكبر ترد . تندعي سالم يرد
***********
غيمه من الغُبره صارت وانگطع عنها الخبر
تستمع بس صوته صارت ما تشاهدها الصور
ها انه ابن حسين يهتف وانه ابن فارس مضر
لگلب ألحومه عليكم واكتب أبصحف الدهر
جيت أناصر مذهبي . وانه شيعي وطالبي
والي ما دوني المجد . تندعي سالم يرد
***********
رد الأكبر لامه لاچن شاهد أبعينه الوضع
عنها غاب الوعي ليله من اثر مجرى الدمع
شاهد أمه اگباله ذابت مثل ميذوب الشمع
وادعاها ورجع الأكبر يفدي نفسه للشرع
يمه يحبيبه يگول . مكرمه رايح أنول
للكرامة ابذل جهد . تندعي سالم يرد
***********
الخادم ابو ايمان المجراوي
07711208819
07801138315
07400661459