إعـــــــلان

تقليص
لا يوجد إعلان حتى الآن.

قصائد لعبد الله الرضيع عليه السلام ابو ايمان المجراوي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصائد لعبد الله الرضيع عليه السلام ابو ايمان المجراوي


    بدليلي تهيج الاشواگ . حبيبي وطال الافراگ

    ردت طيفك يجيني .. إلك فايض حنيني

    حبيبي وطال الافراگ

    *******************

    يطير الجنة هجرك ما هوعلبال

    تفارگني وأضل أمسا هره أليال

    يروح أمك دمع من عيني همال

    إذا مر بيه ذكرك والبعد طال

    يعبد الله بكياني . سهم هجرك رماني

    ويسليني أنيني .. إلك فايض حنيني

    حبيبي وطال الافراگ

    *******************

    يعبد الله شلت من بعدك أجروح

    يل چّمهن زماني ويآ لم الروح

    يبني وعاشرت بفراگك النوح

    ولا زال بدليلي سهمك أيلوح

    يعذبني غيابك . يلوعني مصابك

    صبح همّك قريني .. إلك فايض حنيني

    حبيبي وطال الافراگ

    *******************

    يمهجة روحي يا أحلى أمنياتي

    عگب عينك صفت للهم حياتي

    شلت عني وعفت لي ذكرياتي

    وصبح نوح الثكاله من صفاتي

    أنوحن يبني وانعي . واعيشن ويه دمعي

    عذابك يحتويني .. إلك فايض حنيني

    حبيبي وطال الافراگ

    *******************

    عشت بين الألم والهم بعد عينك

    وأحس أبصوتك أينادي وصحت وينك

    يمن منّك غصب أخذوهن اسنينك

    نزف دم نحرك و خضّب ميادينك

    يلب گلبي وخليلي . تضل ساكن دليلي

    لون طالت سنيني .. إلك فايض حنيني

    حبيبي وطال الافراگ

    *******************

    اصد كل ليله مهدك والأمل عندي

    أشوفك والمواجع تلهم بچبدي

    اذا طر الفجر دمعة صبح تبدي

    عگب دمع السهر يا أغلى ما عندي

    يجرحي ألماله طيبه . اليروح امنين أجيبه

    دمع ساكنها عيني .. إلك فايض حنيني

    حبيبي وطال الافراگ

    *******************

    الخادم ابو ايمان المجراوي

    07711208819

    07801138315

    07400661459




    يالفارگتني منالزغر يا أغلى الأحباب

    عبد الله يبني أبغيبتك مني الگلب ذاب

    ************

    أضحت على اجفون الوجه نيران الدموع

    والحسرة باتت بالصدر ما بين الضلوع

    ذايب دليلي وحالتي تنعاها الشموع

    يرميني بسهام الدهر كل لحظه بصواب

    *************

    أمك واخذ منها الدهر أجمل هديّه

    ونطاها من بعد الولد نوح ورزيّة

    اصفن وأذكرك وافتكر چنك بديّة

    واسمع تناغيلي وارد اشتم بالثياب

    *************

    يم مهدك اگعد وانتحب يل غالي ساعات

    يا نفحت الروح أشوكت بفراشك أتبات

    يوليدي أنادي ولا تضن اگطع مناداة

    وانطر يعبد الله استمع من عندك أجواب

    ************

    مهضومة يبني وخاطري يلولد مكسور

    وأعيوني لفراگك غدت بالمدمع أتفور

    صوّبني يا نبض الگلب بسهامه عاشور

    حين اليهل يبني ويهل ويّاه المصاب

    ***********

    بفكاري عاشت ذكرتك بحضان الآمال

    يل مأخذ آوياك العگل يل شاغل البال

    يبني وتهاوت من عگب عيناك الأحوال

    وانصاعت أسنين العمر لجروح العتاب

    ************

    يا جوهر الروح بحزن جاريت الأيام

    واحتفت أبداري بعد فگدك الآلام

    انه الحزينة الوالهة مني الگلب هام

    وانه التي چبدي انمرد بسهام الأجناب

    ************

    لو ما أشوفك يبني أحس دلالي مجروح

    يا ضنوتي وما حسّبت من أمك أتروح

    علمني دهر أعله السهر واللوعة والنوح

    وبدمعة مصابي لضل وادري الضلع عاب

    *************

    الخادم أبو إيمان المجراوي



    يوليدي يوليدي . عبد الله يوليدي
    ما أنسى عملت حرملة . عبد الله يوليدي
    ********************
    بعيني شفت لمن رمه سهم البين . صوبك تجاهه
    والدمعه يا يمه جرت من العين . مدري شجاهه
    چن سهمه بضلوعي نبت ذاك الحين . چبدي رماهه
    مو بيدي مو بيدي . يالغالي مو بيدي
    وونيني بمصابك عله . عبد الله يوليدي
    **********
    زمره وعلينه أتحالفت بالطغيان . بالغا ضريه
    جاروعلينه أهل الغدر والوليان . فوگ ألوطيه
    وخيامي شبت يالولد بالنيران . هاي المسيه
    بالبيده بالبيده . ضلينه بالبيده
    تيهني وكتي بالفله . عبد الله يوليدي
    ************
    يبني الوكت حيف وأسف ضدي أندار . بيك افجعاني
    مني خذاك وما رحم والأشرار . خلتني أعاني
    وحدي صفيت بغربتي والهم جار. يشهد زماني
    مهمومه مهمومه . بحزاني مهمومه
    آذتني عملة كربله .عبد الله يوليدي
    ***********
    بيدي أمسح أبدم الولد والعينين . لجروحه تنضر
    وتشاهد أوليدي أنذبح بيد حسين . وبدم تعفر
    وتلووح أيده من العطش والشفتين . ميهن تبخر
    وعيوني وعيوني . سهرانه وعيوني
    كلشي بغيابك ما حله . عبد الله يوليدي
    ***************************
    بعدك يمهجة هالگلب هاي الناس . للهم خذوني
    للكوفة مگصدها ألخلگ والآلام . بيهه اتركوني
    وعيوني محتارة تصد للأيتام . لو للسبوني
    وبگيدي وبگيدي . يسروني وبگيدي
    وشگد شفت ضيم وبله . عبد الله يوليدي
    ************************
    الشاعر أبو إيمان المجراوي





  • #2
    السلام على الرضع الشلام على من لم يرحموا من سفك الدماء

    تعليق


    • #3
      حتى الرضيع ياكربلاء

      تعليق


      • #4
        السلام على الرضيع ابن الرباب السلام على الرضيع ابن أم إسحاق

        تعليق


        • #5
          السلام على الرضيع ابن الرباب السلام على الرضيع ابن أم إسحاق

          تعليق

          المحتوى السابق تم حفظه تلقائيا. استعادة أو إلغاء.
          حفظ-تلقائي
          x
          إدراج: مصغرة صغير متوسط كبير الحجم الكامل إزالة  
          x

          اقرأ في منتديات يا حسين

          تقليص

          المواضيع إحصائيات آخر مشاركة
          أنشئ بواسطة وهج الإيمان, اليوم, 04:57 AM
          ردود 0
          14 مشاهدات
          0 معجبون
          آخر مشاركة وهج الإيمان
          بواسطة وهج الإيمان
           
          أنشئ بواسطة وهج الإيمان, يوم أمس, 04:33 AM
          ردود 0
          16 مشاهدات
          0 معجبون
          آخر مشاركة وهج الإيمان
          بواسطة وهج الإيمان
           
          أنشئ بواسطة وهج الإيمان, 16-09-2019, 06:57 AM
          ردود 3
          40 مشاهدات
          0 معجبون
          آخر مشاركة وهج الإيمان
          بواسطة وهج الإيمان
           
          أنشئ بواسطة وهج الإيمان, 15-09-2019, 09:10 PM
          ردود 0
          20 مشاهدات
          0 معجبون
          آخر مشاركة وهج الإيمان
          بواسطة وهج الإيمان
           
          بواسطة ابوامحمد
          أنشئ بواسطة ابوامحمد, 16-09-2019, 03:34 PM
          ردود 2
          16 مشاهدات
          0 معجبون
          آخر مشاركة ابوامحمد
          بواسطة ابوامحمد
           
          يعمل...
          X