تويت
لحسين ابدمانه .. جينه أنخط ولأنه
نرفع راية الدين . واحنه أنصار الحسين . جينه أنخط ولأنه
*************
العمر لجل الحسين ابكربله نفديه
وسجل التضحية اليوم أبدمه أنحنيه
ل أبو أليمه انتفضنه والوعد ندريه
وعلى الموت اعتنينه للعهد نوفيه
للباري ونبيه . ولحيدر وليّه
نفدي الروح كل حين . واحنه أنصار الحسين . جينه أنخط ولأنه
*************
ميادين الحرايب بينه تزهي اليوم
وتراب المعارة أتعفره أزكى ادموم
دخلناها وعرفنه إن الأجل محتوم
نفوز بجنة ألوسعه أمر معلوم
ما نبخل بالأرواح . مهما أنشاهد أجراح
نحو الجنة ماشين . واحنه أنصار الحسين . جينه أنخط ولأنه
*************
فخر شلناها خدمة احمد أو آله
شرف عشنه ونموت بحبه وبجاله
فديناها النفس لحسين وعياله
نصرناهم على الظالم وعمّاله
لأولاد الزچيه . بأرض الغاضريه
كلنه أنموت راضين . واحنه أنصار الحسين . جينه أنخط ولأنه
*************
رفضنه ألذلّه دوم وما قبلناها
وحياة إبلا كرامه ما هويناها
على الغبرة انتگطع كلنه ردناها
لأجل راية محمد تبقى بسماها
شيعة حيدر احنه . فزنه وانتصرنه
بيهم قرة العين . واحنه أنصار الحسين . جينه أنخط ولأنه
*************
علينه الباري يقبل هاذي منيتنه
نموت أبحبهم أنحصل كرامتنه
علن بألطف علنه الهم محبتنه
وبذلناها بتواضع كلنه مهجتنه
وننول الشهادة . هاي أفضل عباده
من اجل الميامين . واحنه أنصار الحسين . جينه أنخط ولأنه
*************
فديناها المناحر من بعد الأجساد
هتفنه أنروح لك فدوه يبو السجاد
لجل نصرك تركنه البيت والأولاد
وأمل عدنه العمر بألطف إلك ينعاد
أنموت إلف موته . ويضل عالي صوته
ويرج الميادين . واحنه أنصار الحسين . جينه أنخط ولأنه
*************
الخادم ابو ايمان المجراوي
07711208819
07801138315
07400661459
دم يمظلوم . الأنصار الأنصار
تبذل اليوم . الأنصار الأنصار
صار أسمى غاية . نصر الولاية
***********
ابن قين وحبيب وقاسط وجون
على الگوم اعتنوا كلهم يكرون
يبو أليمه فداك أبدم يصيحون
تهون ألدنيه كلها وانته متهون
غالي يحسين . فديناك فديناك
يا ضوه العين . فديناك فديناك
رغم المنايه . نصر الولاية
***********
دخل حر المعارة أيصيح بفداك
رخيص الغالي والله اگبال عيناك
على عهد ألوفه أنوقع اجيناك
سيوف أمشرعه كلنه برهن يمناك
فوگ إلچفوف . الأرواح الأرواح
يوم الطفوف . الارواح الارواح
شلناها راية . نصر الولاية
***********
ابن مسروق والحارث ميامين
اسود أتقدمت صوب الميادين
بعزم وبكل بسالة نصروا الدين
وإذا واحد يطيح أينادي يحسين
روحي أفديك . يمهيوب يمهيوب
ما أوفيك . يمهيوب يمهيوب
حد النهاية . نصر الولاية
***********
ابن جندب أوعبد الله ونعمان
سعد حين اعتنوا بيهم الميدان
مثلهم ما تجيب الدنية شجعان
مضوا وألطف بسمهم شال عنوان
شالوا الرأس . بالحروب بالحروب
گطعوا أنفاس . بالحروب بالحروب
نعمه البراية . نصر الولاية
***********
القسم وسوار وابن التغلبي اليوم
تحدوها المنايه وگحموا الگوم
على الغبرة جرت من عدهم ادموم
لچن تزهي ابسمانه صاروا أنجوم
هايه الأنوار . على حسين على حسين
صارت أسوار . على حسين على حسين
بسمانه أيه . نصر الولاية
***********
صبح عالي مجدهم رغم الأنذال
على التاريخ اسمهم عبر الأجيال
تضل الدنية بيهم تظرب أمثال
معادنهم ذهب والصدگ ينگال
هذا برهان . للإسلام للإسلام
عبر الأزمان . للإسلام للإسلام
من البداية . نصر الولاية
***********
الخادم أبو إيمان المجراوي