تويت
تخضبها الجروح . تبچيني وتروح
من تهل يهلال . من تهل يهلال
*************
يا هلال ألطف دمعتي لسه من عيني تصب
تجري من يومك الهسه والألم وسط الگلب
بيّه يهلال انته تدري فارگيت إلي أحب
وما بقى عندي بحياتي غير آهات ونحب
عشت ويّه الأنين . بعد فگد الحُسين
ساءت الأحوال . من تهل يهلال
*************
ناره مستعرة بدليلي يا هلال وما طفت
يوم عاشور الجرحني ومني آلامه شفت
صاحبت روحي حسرتي طول عمري وما كفت
وتسكن بعيني عبرتي وعيني لحضه ما غفت
رمه ابگلبي سهم . وألم يتبع الم
والدمع همّال . من تهل يهلال
*************
اذكر العاشر ونوحن گلبي من نوحي انفطر
واسهر أبحزني وتعو ود جفني يهلال السهر
چم شمس بألطف فگدته وچم بدر راح وگمر
مذبح أهلي بعيني أشوفه حكمه ويياي الدهر
شفت مصرع هلي . خسرته كافلي
عفته فوگ أرمال . من تهل يهلال
*************
اذكر أخيامي أبلهبها من لفتنه أهل الغدر
واذكر أعيالي أبجمعها البل فله گامت تفر
خيمة ما ضلت تلمنه يا هلال ولا ستر
والحسين إخلاف ذبحه داست أضلوعه الكفر
لهب حرگ الخيام . مطر قذف السهام
روّع الأطفال . من تهل يهلال
*************
يا هلال انه ألكفيله من بعد عين الكفيل
والعساكر بينه حاطت والوضع ماله مثيل
ساعة اركض وره أعيالي ساعة اركض للعليل
وانه كل حيلي فگدته صرت ويه الريح أميل
على التاهو أصيح . واصددن للذبيح
وين أدير البال . من تهل يهلال
*************
شنسه يهلال انته گلي من حزن هالفاجعه
وانه كل غالي بحياتي عيني شافت مصرعه
والله لگظي أسنين عمري وانه عيني دامعه
واندب أحبابي باسمهم ويّه شمس ألطالعه
جرح فگد الحبيب . ابد لا ما يطيب
هذا واقع حال . من تهل يهلال
*************
الخادم ابو ايمان المجراوي
07711208819
07801138315
07400661459
كافل أضعونك وين .. غمّضت عينه
گلها يم ألمشرعه .. يختي زينب مصرعه
وانكسر ظهر حسين .. غمّضت عينه
*** *** ***
زينب بلهفه اعتنت . يم أخوها حسين . والحزن بادي
خويه گالتله وبچت . طاح أخيّك وين . گلّي يا وادي
تعثروتنهض غدت . ياضوه البل عين . صارت أتنادي
وبحزن صوت أتصيح .. خويه يالحادي
امنين اجتني كربله .. يا چفيل العايله
ما هدت زينب حين .. غمّضت عينه
*** *** ***
گلها خويه ألرايته . عيني تربي وگال . ما هدت روحي
صابر انطر جيته . والدمع همّال . من اثر نوحي
يختي زينب غيبته . صابت الدلال . لچمت أجروحي
من بعد راعي الجود .. زادت آلامي
من توجه للنهر .. گلبي من حزني انفطر
ونلچم جرح البين .. غمّضت عينه
*** *** ***
للنهر حامي الخدر . يختي لمن سار . وعتنه بجوده
ذل جيوش أهل الغدر. ضنوة الكرار . وانتخه بعوده
بالأرض خلّه الكفر . دمها يجري انهار . صارت جنوده
من دخل للميدان .. وعتنه ألحومه
بالسمه أترف رايته .. نصرة الحق غايته
وانتصر بسمه الدين .. غمّضت عينه
*** *** ***
راكب الموت اعتنه . طب عله العدوان . صاحب الرايه
ما رجع كلمن دنه . بزمرة الشيطان . وسوه البرايه
صاح ابو فاضل انه . واحكم الميدان . والمسنايه
عازم أيملّي الجود .. ويرجع بمايه
لاچن بسهم الغدر .. صوّبت عينه الكفر
وگطعوله الچفين .. غمّضت عينه
*** *** ***
يختي من عگب النفل . بيّه هاي الگوم . تسخر وتشمت
ينكسر ظهري وأضل . بالحزن وهموم . داخلي التمت
بيه نيران العلل . وكل جروحي اليوم . زينب انلچمت
لا نصير ولمعين .. يختي من دونه
وحدي وعيوني تصد .. واشهد الشر والحقد
والعساكر صوبين .. .. غمّضت عينه
*** *** ***
الخادم ابو ايمان المجراوي
07711208819
07801138315
07400661459
عباس اجيتك للنهر .. اندب واصيحن يا گمر
ما ضن عفتني . وانته الجبتني . عباس اجيتك
***************
انه العقيلة أم الخدر وانه الحزينة
بجدامي اجيتك للنهر يبن الامينه
من بعدك أفلول الغدرغارت علينه
وليانه ذبحوهم ظلم واحنه انسبينه
ريتك شفتني . وانته الجبتني . عباس اجيتك
***************
يا خويه بسهام الكدر وبليل اجيتك
عباس اصيحن والتفت حين اعتنيتك
طايح صريع ومنفضخ راسك لگيتك
ومگطعه اچفوفك شفت من وسّديتك
خويه أعله متني . وانته الجبتني . عباس اجيتك
***************
من همي جيتك اشتكي ومن هم عويلي
يالطايح أعله العلگمي وگلبي دليلي
لا وين أروحن يا شهم وانته كفيلي
حيلي أخذته بغيبتك ونهدم حيلي
ما ودعتني . وانته الجبتني . عباس اجيتك
***************
من حرگوا أعلينه الخيّم گوم آل أميه
لا مأوى ضل ولا ستر هاي المسيه
يالكافل آل المصطفى أتعيش أبرزيه
ما بين ابن سعد وزجر وابن الدعية
بعدك سبتني . وانته الجبتني . عباس اجيتك
***************
أيتامي طشت من بعد حرگ الصواوين
يا چافل اضعوني وغدت بين الميادين
ذبلانه من نار العطش والدمعة بالعين
ساعة تنادي يا گمر أو ساعة يحسين
مرعوبه اجتني . وانته الجبتني . عباس اجيتك
***************
باچر على النوگ الهزل يا خويه للشام
تا خذنا عدوانك غصب والمسرى أيام
محتارة وتنوح الحرم وتصيح الأيتام
يا عمي الكافل تلج وينك يضرغام
منك خذتني . وانته الجبتني . عباس اجيتك
***************
الخادم ابو ايمان المجراوي
07711208819
07801138315
07400661459
يا مهر تانيني .. وللولي وديني
عذبت حالي .. بسرجك الخالي
اوگف وحاچيني .. وللولي وديني
************
زينب بأشد حاله ودمع بالعينين . صاحت أشمالك
حين اعتنت صوب المهر گالت وين . گلي خيالك
خالي أشعجب راجع تخط بالرجلين . مختلف حالك
هيّجت نيراني .. وجرحت وجداني
وين اخوي حسين .. عفته ماله أمعين
أرد أشوفه بعيني .. وللولي وديني
************
صد المهر إلها وبده يهز بالرأس . يومي للحومه
يخبرها ضل أعله الترب والحراس . سلبت أهدومه
عاري الجسد حدر السنابك ينداس . أضلوعه مهشومه
ضل وسط عدوانه .. طايح أبميدانه
دامي عالتربان .. منذبح عطشان
ارجع يناديني .. وللولي وديني
************
هاجت لچن بيها تشب النيران . زينب الحره
بلجامك وجرني أريد الميدان . گلبي شيصبره
ملهوفة روحي الشوفته والوجدان . ناره مستعره
منفجع دلالي .. والكدر يبرا لي
گلي يالميمون .. بيّه هسه أشلون
ردتك اتدليني .. وللولي وديني
************
همهم حزن مهر الولي وچان أيصيح . هاي الظليمه
فوگ الأرض سبط النبي ظامي يطيح. ما بگت شيمه
ابن الود يعه بيا ذنب دمّه ايسيح . شنهو الجر يمه
يصهل ويتعثر .. وبدماه أمعفر
مهر أبو السجاد .. وحده يصهل عاد
والحزن يمليني .. وللولي وديني
************
ميّة جرح لمن رجع حط بالروح . مهر أبو أليمه
لخيامي من حين الوصل شفت جروح . تنزف بجسمه
بالحومة حسّيت الولي ضل مطروح . من شفت دمّه
لمن اتلگيته .. وألزمت ناصيته
صكني سهم البين .. بالگلب والعين
والألم يا ذيني .. وللولي وديني
************
الخادم ابو ايمان المجراوي
07711208819
07801138315
07400661459
وينك يالگلت بحماي .. ما ناصف زماني اوياي
چم مره انسبي بدنياي .. چم مره انسبي بدنياي
**********************
انه زينب يخويه وعيني تربيلك .. مثل يوم الطفوف بصوت اناديلك
گمر هاشم أريدك تگرب اشكيلك .. من همّي بغربتي وكلشي احچيلك
تحضر يالنفل ودّي .. هجرك يمرد بچبدي
وسهام الحزن بحشاي .. چم مره انسبي بدنياي
**********************
عگب عينك بدت رحلت حزن وآلام .. على أرمال الصحاري والمسير أيام
من طف كربله ودّونه لأرض الشام .. يحيدونه يبو فاضل حرم أيتام
من اندب يضربوني .. وأتلفّت يمنعوني
وبهم وكدر مسراي .. چم مره انسبي بدنياي
**********************
جرح گلبك كلامي ادري يا عباس .. وأحس بدمعتك تجري يبو الإحساس
زمن وانه تحوط بمرقدي الارجاس .. إلى يا حين اضللن اكتم الأنفاس
يالكافل شنو ألحيله .. غيرك منهو اشكي له
ما ينشف دمع عيناي .. چم مره انسبي بدنياي
**********************
عهد منك سمعته وچني اسمعه الحين .. صوتك يالعقيله ايگلي لا تبچين
شده بالي الزمان وبيه جار أسنين .. اخذ مني إخوتي ونطاني دمع العين
چم طعنه الطعن صدري .. وبغربه حفر گبري
ويحشّد عليه أعداي .. چم مره انسبي بدنياي
**********************
لآخوها التنولي تتوجه بعبره .. تندبه وكل حرف من تلفظه بحسره
وانه المن أوجه صوتي هالمره .. عفتها اموذره ولياني عالغبره
ولازال الزمان أيدور .. بيه وما خلص عاشور
وأسوء أمن إلي راح الجاي .. چم مره انسبي بدنياي
**********************
جرح بيه عجب ما يرضه خويه أيطيب .. يرافگني بحياتي وما گطع تعذيب
چنت من هالجرح كل لحظه راسي يشيب .. والهالساعه وبگبري بدليلي أيصيب
محزونة أبدليلي ألآه .. وجروح الكدر بلواه
ويهل دمعي من أصباي .. چم مره انسبي بدنياي
**********************
الخادم البسيط أبو إيمان المجراوي
07711208819
07801138315
07400661459
گوم يا راعي ألوفه جرحي نزف .. ودي گبري الكر بله لو للنجف
ما ريده بالشام ... ذبحتني الآلام
*********************
هذا صوت أم الحزن تشرح عللها
وللطفوف أتوجهت والهم يشلها
يا بو فاضل صاحت ودمعه تهلها
خويه كل حرّه اعتنت للي كفلها
خويه يا بو ألمرجله يا بالفضل .. يم خصومك ما اضن تقبل أضل
وينك يضرغام ... ذبحتني الآلام
*********************
حشّميت انه وندبتك يبو ألغيره
وادري جيدوم ألندبته وحي ضميره
إلي كاتبها الزمان أبقى أسيره
بديره خلاهم إخوتي وانه أبديره
وين أصدّن والتفت وانه غريبة .. ما بگه من أهلي شخص والله عجيبة
هام الگلب هام ... ذبحتني الآلام
*********************
خويه ما بين النواصب تدري گبري
ما رعوا خويه حرمتي وحتى گدري
انه عباس العقيلة وانته تدري
ما اضن تقبل ينشمي البيه يجري
حگي سبع الگنطره لو جيت أعاتب .. بيه كل صوب وكتر حاطت نواصب
چا وين الإسلام ... ذبحتني الآلام
*********************
لبو فاضل اشتكي ناس السبوني
حاربوا گبري بعد ما حاربوني
ارحلي يا بنت حيدر هددوني
وبقنابلهم هدفهم يهدموني
من خوّله ومن زجر ليهسه تسعر .. جمرة السوط أعله متني وجرحي يكبر
حاطتني ظلام ... ذبحتني الآلام
*********************
يا كفيلي أتذكرت لمن اجينه
وانته تبراله الضعن من ألمدينه
للعراق أبصايتك كلنه اعتنينه
ما تجاسر واقترب واحد علينه
چنت أشوفك وافتخر والرأس أشيله .. وبقرارة نفسي اگولن يالعقيله
خل جفنچ اينام ... ذبحتني الآلام
*********************
انفض أتراب الگبر وارحم دليلي
والله ذاب من الهضم والهم خليلي
وحدي ما بين الأجانب يا چفيلي
تهمل أدموعي واناطر تعتني لي
هسه يلفيني الگمر وبعيني أشوفه .. مرتگي مهر الغضب گبري يطوفه
ومحزم أحزام ... ذبحتني الآلام
*********************
الخادم ابو ايمان المجراوي
07711208819
07801138315
07400661459