تويت
يحسين ألثراك كل أولادي فدوه . يالغالي فداك روحي وكلشي تهوى
أفديك ابنيني .. يبني ونضر عيني
يحسين ألثراك .. يحسين ألثراك
************
حبيبي بأغلى ما املك أريد أفديك
وأريد العذر منك سيدي وأدعيك
عليك أبداعت أمك اخذ من انطيك
أخذهم أربعتهم وادري ما أوفيك
تقبلهم أريد وتبرّد غليلي . خليهم عبيد عندك يا دليلي
يا تاج ألجبيني .. يبني ونضر عيني
يحسين ألثراك .. يحسين ألثراك
************
عهد يبني اتخذته أشما نجبت أولاد
أسخّرهم خدم كلهم لبو السجاد
أطلبك تقبل أب أربع ليوث أشداد
وأريد أمرادي منك والقبول أمراد
انه أم البنين يحسين واجيتك . وبگلبي الحزين تقبلهم رجيتك
لترابك سنيني .. يبني ونضر عيني
يحسين ألثراك .. يحسين ألثراك
************
يبو أليمه لون ترحل نويت أرجاك
تواعدني ترد ليه وأعيش آوياك
شگل الگلبي لو طوّل علّي ملگاك
أصبره أبيا عذر واحمل الم فرگاك
مجروح الفؤاد واتنطّر سطوعك . وبروحي الحداد منشور ألرجوعك
وأتأمل تجيني .. يبني ونضر عيني
يحسين ألثراك .. يحسين ألثراك
************
اخذ روحي بمسيرك خلها تبرالك
تضل يمّك قريبه وتنظر الحالك
لون حسّت خطر يوليدي يدنالك
تهيم إبلا تردد ترتمي اگبالك
خادمتك أصير يبني بطول دربك . ما هم بالمصير لو موت أعله حبّك
حبّك يحتويني .. يبني ونضر عيني
يحسين ألثراك .. يحسين ألثراك
************
يلّبّة گلبي ريّضلي أعله هونك
أروحن لك فده يبني ألعيونك
فلا اگدر أضل يالغالي دونك
يحرسك ربي ويشل إليعادونك
خل أملي العيون من وجهك وأشمّك . يالحبك جنون والصدري أضمّك
خوفي ما تجيني .. يبني ونضر عيني
يحسين ألثراك .. يحسين ألثراك
************
صعب هجرك واشد نارالي بحشاي
يروحي وكل حياتي و نضر عيناي
لضل ابچي عليك وما أبطل ابچاي
يمن لا زاد بعدك لذ ألي أولا ماي
نيران الهجر تلهب بيه يبني . لا وين الصبر وفراگك نكبني
والهم يعتريني .. يبني ونضر عيني
يحسين ألثراك .. يحسين ألثراك
************
مرارة الدنية من بعدك يبو أليمه
فرح ما بيها بس شر ينشر أبهمه
سواد وكل محطة عتمت ظلمه
بعمل أهل السقيفة الشتّت ألامه
ما ضل بيها أمان دنيه إخلاف عينك . وتلاشه الحنان بگلوب أهل دينك
والگاك أب أنيني .. يبني ونضر عيني
يحسين ألثراك .. يحسين ألثراك
************
الخادم ابو ايمان المجراوي
07711208819
07801138315
07400661459
ريّض ينبض الدلال .. يل ما خذ آوياك البال
منذورة روحي ألعمرك .. خليني اشمّن صدرك
يل ما خذ آوياك البال
************
أم البنين ألليله ما تنوصف حالتها . متعنيه صوب الوالي
بين الدهر وآلامه ذابت حزن مهجتها . وتنادي يبني الغالي
يا من تشد بضعونك وتهل غدة دمعتها . تانيني وارحم حالي
يوليدي فدوه العيناك .. يمسافر أتصيح آوياك
ما بيّه واحمل هجرك .. خليني اشمّن صدرك
يل ما خذ آوياك البال
************
ترگض غدت ملهوفة نادت يماي أعيوني . وين العزم هالليله
يبن الوديعة أترجاك وياكم امشي أخذوني واركب ضعنها العيله
بين النوايب يحسين ما ضنكم اتخلوني . وبدم دمها أتسيله
وياك أخذني أترجاك . يالوالي يصعب فرگاك
بجروحي روحي أتخبرك .. خليني اشمّن صدرك
يل ما خذ آوياك البال
************
وسط الگلب جمراته تسعر لهب يحبابي . وبدمعي فاضت عيني
هم الزمان وجوره كاتب لي ويّه أمصابي . مالومه أعيش سنيني
لا وين أضل أبصبري والمن أوجه أعتابي . هجر الأهل ياذيني
موحش عگبكم داري .. وتصارع أويه أقداري
چم دوب أضل انتظرك .. خليني اشمّن صدرك
يل ما خذ آوياك البال
************
لبچي الفگدكم دهري وأبقى ألدربكم اربي . وعليكم اعمي الناظر
ما كف ابد من نوحي يالراحلين ونحبي . والجفن يبقى امساهر
دوم انتظر جيتكم وبحزني لندب ربي . يجبر لي بيكم خاطر
شصبر بعدكم يطهار .. وبروحي مستعرة النار
درب السفر صار أمرك .. خليني اشمّن صدرك
يل ما خذ آوياك البال
************
نار الصبر يمسافر بضلوعي صارت تسعر . وتكاثرت آلامي
بيش انه لوحل باچر الهي الگلب وأتصبر . وشلون اخلص أيامي
هم أو حزن يبرا لي يبني ودليل أمكدر . وتناثرت أحلامي
يا اغلى من ماي العين .. ريّضلي هونك يحسين
عظّم ألآهك أجرك .. خليني اشمّن صدرك
يل ما خذ آوياك البال
************
الخادم أبو إيمان المجراوي
لا تحزني .. واستبشري .. أم البنين
سأسرُك ِ .. في قبرُك ِ.. هذا يقين
***************
يا أم البنين الأربعة الشبان
إذا حان الوعد وتبين البرهان
عهد شلته بصميمي داخل الوجدان
اجعل من ظهوري خاتمة الإحزان
بقية الله انه ويشير إلي القرءان
وانه نصر الله والفتح ورضا الرحمن
لن انثني .. أو التوي .. طُرفة َعين
سأسرُك ِ .. في قبرُك ِ.. هذا يقين
****************
يا بنت الفحول وخيرة الأنساب
ما بارح خيالي دمعچ السچاب
رسايل من دموعچ بيها أشوف عتاب
ما تنهض يمهدي اتگلي أريد أجواب
يبني أش أخرك يا ريحة الأحباب
يا مهدي غفيت وبيه أحر أصواب
في حفرتي .. من مهجتي .. فاضَ الحنين
سأسرُك ِ .. في قبرُك ِ.. هذا يقين
****************
قسم يم البنين بأمري وبسره
إذا رب العُلا شاء وبلغ أمره
عن ثار الأشاوس لحضه ما ابره
وأشيل بطلعتي من عينچ ألعبره
وحگ ضلع الزچيه الطاهرة الحره
إذا انهض لهيبچ ينخمد جمره
هذا وعد .. فيه ِ سند .. لا تحزنين
سأسرُك ِ .. في قبرُك ِ.. هذا يقين
****************
كل غايب على أهله وطول غيابه
حكمة الباري قدرها على أحبابه
وإذا قدر يرد من يشرح أسبابه
يگول إن الصبر جمراته لهابه
وانه صبري جرح والحكمة بصوابه
واتاني ألجرحي يبرئ بدمعه سچابه
صبري غدا .. جُرحُ الردى .. طول السنين
سأسرُك ِ .. في قبرُك ِ.. هذا يقين
****************
من حزنچ عشت بغيابي أتأمل
وتأني الموعد بنار الصبر واقبل
يقينا للوعد عبر الزمن أوصل
والوعد الإلهي لا بد ويحصل
إذا شاءت قدرته الواحد الأول
لأرض ألطف أسيرن وانصب المحفل
وسط الضريح .. أنعى الذبيح .. جدي الحسين
سأسرُك ِ .. في قبرُك ِ.. هذا يقين
****************
وحگ عباس يم عباس وزنوده
كل دمعه الجرت بكتابي موجوده
كل حاله ارتكبها الباغي وجنوده
تعيش بوجهي دمعه وساكنه خدوده
مثل فسطاط جدي ونار عاموده
ومثل يوم الطفوف أيامي منشوده
حرٌ ضما .. دمعٌ دِما .. في المقلتين
سأسرُك ِ .. في قبرُك ِ.. هذا يقين
****************
ابو ايمان المجراوي
سأسرُك ِ .. في قبرُك ِ.. هذا يقين
***************
يا أم البنين الأربعة الشبان
إذا حان الوعد وتبين البرهان
عهد شلته بصميمي داخل الوجدان
اجعل من ظهوري خاتمة الإحزان
بقية الله انه ويشير إلي القرءان
وانه نصر الله والفتح ورضا الرحمن
لن انثني .. أو التوي .. طُرفة َعين
سأسرُك ِ .. في قبرُك ِ.. هذا يقين
****************
يا بنت الفحول وخيرة الأنساب
ما بارح خيالي دمعچ السچاب
رسايل من دموعچ بيها أشوف عتاب
ما تنهض يمهدي اتگلي أريد أجواب
يبني أش أخرك يا ريحة الأحباب
يا مهدي غفيت وبيه أحر أصواب
في حفرتي .. من مهجتي .. فاضَ الحنين
سأسرُك ِ .. في قبرُك ِ.. هذا يقين
****************
قسم يم البنين بأمري وبسره
إذا رب العُلا شاء وبلغ أمره
عن ثار الأشاوس لحضه ما ابره
وأشيل بطلعتي من عينچ ألعبره
وحگ ضلع الزچيه الطاهرة الحره
إذا انهض لهيبچ ينخمد جمره
هذا وعد .. فيه ِ سند .. لا تحزنين
سأسرُك ِ .. في قبرُك ِ.. هذا يقين
****************
كل غايب على أهله وطول غيابه
حكمة الباري قدرها على أحبابه
وإذا قدر يرد من يشرح أسبابه
يگول إن الصبر جمراته لهابه
وانه صبري جرح والحكمة بصوابه
واتاني ألجرحي يبرئ بدمعه سچابه
صبري غدا .. جُرحُ الردى .. طول السنين
سأسرُك ِ .. في قبرُك ِ.. هذا يقين
****************
من حزنچ عشت بغيابي أتأمل
وتأني الموعد بنار الصبر واقبل
يقينا للوعد عبر الزمن أوصل
والوعد الإلهي لا بد ويحصل
إذا شاءت قدرته الواحد الأول
لأرض ألطف أسيرن وانصب المحفل
وسط الضريح .. أنعى الذبيح .. جدي الحسين
سأسرُك ِ .. في قبرُك ِ.. هذا يقين
****************
وحگ عباس يم عباس وزنوده
كل دمعه الجرت بكتابي موجوده
كل حاله ارتكبها الباغي وجنوده
تعيش بوجهي دمعه وساكنه خدوده
مثل فسطاط جدي ونار عاموده
ومثل يوم الطفوف أيامي منشوده
حرٌ ضما .. دمعٌ دِما .. في المقلتين
سأسرُك ِ .. في قبرُك ِ.. هذا يقين
****************
ابو ايمان المجراوي