تويت
من خدمتك للمعالي شلته راسي
يا حبيبي وما أهم بأهل الكراسي
للسالماكم سلمي .. للحارباكم حربي
**********
ظلمه چانت دنيتي مو هذا حالي
تايه بدرب ألظلاله وما لي تالي
گلبي چان بكل درب يأخذ خيالي
فكري مشدود ألهلاكي وراضي بالي
ماضي بهواء الحياة وروحي تدري
بيدي يا حيف وأسف نزّلته گدي
لاچن هداني ربي .. للحارباكم حربي
**********
من هداني الباري يحسين وعرفتك
إلك أنذرت العمر كله وخدمتك
يا بو الأكبر وبطلب واحد طلبتك
عن سنيني المرّن أتسامحني ردتك
وأرجو منّك معذرة بغفلة حياتي
يل طريقك ما اعوفه الحد مماتي
درب الشهادة دربي .. للحارباكم حربي
**********
كل قرار أيمر قرار أيصير بعده
لا چن القرّر يخدمك ما له مُدّه
منّه يحسين العمر مهما تعدّه
الخادم يموت بخدمتك هذا ودّه
انه ميّت وأصبحت حي بخدمتك
وعرفتها سنيني مرهونه بحضرتك
وحدك ملكته گلبي .. للحارباكم حربي
**********
يا غني التعريف يالمنطينه معنه
حبك البيت الذي بيه انجمعنه
كلنه واحد مهما يتفاوت وضعنه
لا فقير أو لا غني الموكب رفعنه
كادح واكبر وزير حسين ناده
وليخدمك مو مهم عنده شهاده
من المنافق حسبي .. للحارباكم حربي
**********
مغريات الدنية يا لوالي چثيره
واحنه شيعه وكل شخص بيده مصيره
والله يا نشمي اليتبعك عنده غيره
واليعوفك للأسف ميّت ضميره
دعوه للجانب الآخر خلّي يحضر
مرّه لزيارة ضريحك يبو الأكبر
وبعينه خلّه يربي .. للحارباكم حربي
**********
انته جنه وبيها فاز إلي يزورك
ونشرح صدره الذي يشتم عطورك
يا عزيز الباري يالنوّرني نورك
با چر بيوم الحشر اطلب حضورك
يمي حاضر ردتك بساعة حسابي
بيدك أتوقّع على صفحة كتابي
الكم علّنته حُبي .. للحارباكم حربي
**********
الخادم أبو إيمان المجراوي